Ocupemos os espazos verdes da cidade

Esta quarta feira na coordenadora de Compostela da Marcha Mundial das Mulleres organizamos umha rota pola alameda da cidade guiada por Loli, a guia do centro de interpretaçom da alameda, que nos ofereceu um paseo com explicaçons de interese histórico e natural. 

Esta actividade que chamamos “ocupemos os espaços verdes da cidade” consistia simplesmente nisso, em juntar-nos as mulheres da cidade para passear e conversar durante o passeio e mais a merenda que desfrutamos todas. 

Mas, sendo a primeira vez que nos propunhamos esta actividade, o interese que tem nom é só o de conhecer as zonas verdes da cidade as mulheres organizadas no feminismo ou noutras organizaçons sociais; o interese real é o de contactar coas mulheres de Compostela que vinherom doutros países e que agora compartem com nós as dificuldades que como mulheres temos e tambem nós devemos compartir com elas as dificuldades engadidas de ser mulheres inmigrantes. 

Desta volta os contactos que iniciamos coas diversas associaçons nom derom os frutos que agardámos, mas se persistimos no nosso interese por conhecé-las no futuro poderemos intercambiar as nossas experiéncias e acadar um conhecimento mútuo que de seguro vai-nos ser enriquecedor para todas. 

Aliás a ocupaçom dos espaços públicos é umha opçom pendente aínda para muitas mulheres que procedem de culturas como a islámica, embora nós as occidentais tenhamos avançado neste aspecto, tambem devemos persistir para que os espaços públicos sejam nossos e poidamos ocupá-los em liberdade e conforme as nossas necesidades e preferéncias. 

Esta actividade foi realizada en colaboraçom co Concello e a sua finalidade concreta era a de encontrarmo-nos co colectivo de mulheres inmigrantes. Quigemos propiciar o encontro com aquelas com as que poucas vezes temos ocasiom de compartir, por isso enviamos convites às seguintes associaçons afincadas na cidade. 

  • Puente cultural rumano-gallego
  • Casa Latinoamericana en Galicia
  • Asociación para la promoción social y cultural Banda Oriental
  • Asociación de Inmigrantes Marusía
  • Asociación para a promoción social e intercultural GONDWANA
  • Asociación de Inmigrantes galegos retornados RETORNO
  • Asociación cultural e de amizade galego-marroquí ACUAGAMA
  • Asociación de venezolanos AVESANTI
  • Centro Cultural ARARAT
  • Galicia Acolle de Santiago de Compostela 

É este un proxecto sinxelo, mais que queremos que tenha continuidade, porque é moi enriquecedor, permite a comunicación, o intercambio cultural e de experiencias e queremos que desde este primeiro encontro poderemos articular proxectos de intervención en clave de xénero coas mulleres veciñas de Santiago que proveñen doutros países, moitos deles ben afastados culturalmente. 

O obxectivo desta actividade está parcialmente conseguido por canto foi un primeiro paso e temos todo o interese en dar continuidade para que as mulleres nos apropiemos nós soas dos espazos públicos e que os integremos naturalmente para incorporar un uso deles como cidadás desta cidade. O concepto de cidadanía, o concepto e ocupar os espazos públicos e o de usar un tempo propio, son temas sobre os que está pendente actuar por parte do movimento feminista. Por outro lado esta actividade ten o obxectivo de promover a práctica de actividades físicas para acadar unha mellor calidade de vida para as mulleres e potenciar as relacións entre as mulleres e a súa participación en actividades de ocio e tempo libre dun xeito lúdico pero mantendo unha parte didáctica. 

Algunhas das imaxes da actividade:

{gallery}2009_composalameda{/gallery}

 

YouTube
YouTube
Instagram
Telegram