Acción pola paz e o desarme

Este 24 de Maio, Día internacional da Muller pola Paz e o Desarme, as mulleres da Marcha Mundial das Mulleres da Galiza queremos lembrar as guerras que padecen mulleres irmáns en todo o mundo e farémolo na rúa cunha lectura pública. Anímate e participa!

“Participa para poder decidir a Europa que queremos”

O pasado xoves, as compañeiras da CL da MMM de Vigo, participaron na mesa redonda “Participa para poder decidir a Europa que queremos” organizada por Amigos da Terra e na que tamén participaron SoS Racismo Galicia, ATTAC, Amnistía Internacional SLG e Ecoloxistas en acción. Unha vez máis a Marcha manifestou o seu rexeitamento ante a institución actual, capitalista e patriarca, que pon no centro a económía por riba da vida das persoas.

Rana Plaza na Memoria

[24/05/2019]
#RanaPlazaEstáEmTodasAsPartes
#QuenFaiATuaRoupa
Fotos das accións de rúa e a charla con Nanda Couñago coordenadora da Campaña Roupa Limpa en Galicia, e baixo o título: “De explotadas en Galicia a explotadas en Bangladesh”.

A coordinadora da campaña Roupa Limpa (SeTEM) en Galicia falou de como a traxedia de Rana Plaza en Bangladesh no ano 2013, no que morreron ao redor de 1000 mulleres traballadoras do téxtil, puxo sobre a mesa o debate sobre as condicións de traballo do sector, tanto en Galicia, onde aínda quedan algunhas poucas fábricas, como nos países en desenvolvemento, cara onde a industria téxtil deslocaliza a súa forza laboral na procura de baixos custos mesmo ao prezo dos dereitos humanos e a vida das mulleres.

En Galicia, a ameaza da deslocalización forza ás traballadoras a aceptar condicións de traballo infrahumanas en canto a prezos e prazos.

Nos paises en desenvolvemento, a pobreza extrema convirte ás mulleres en man de obra cautiva obrigada a soportar condicións de traballo tan extremas como as que provocan desmaios masivos polas condicións de falta de ventilación e hixiene, como o acoso laboral e sexual, ou as condicións físicas dos edificios que levaron ao derrube (anunciado) do taller de confección en Bangladesh, desmaios masivos polas condicións de salubridade e hixiene

A falta de unha lexislación firme que garanta salarios dignos, que regule as condicións de seguridade e saúde, que combata a evasión fiscal das firmas, e que as obrigue a publicar información sobre o proceso de producción e a responsabilizarse del, dificulta aínda máis o avance cara á mellora das condicións de traballo do sector téxtil.

Todas e todos usasmos roupa, todas e todos estamos involucrados neste drama.

PALESTRA con a compañeira kurda Necîbe Qeredaxî do comité de Jineolojî de Europa

[VIGO][ Feminismo Internacionalista ] Este 9 de xaneiro ás 20h. na Casa Galega da Cultura, a Marcha Mundial das Mulleres reivindica e homenaxea en todo o mundo a loita das mulleres kurdas. No noso país, Vigo acollerá unha palestra e debate coa compañeira kurda Necîbe Qeredaxî do comité de Jineolojî de Europa. Teremos a ocasión de escoitar na propia voz destas mulleres a súa loita feminista e de emancipación do seu pobo.

Agradecer a Mar de Lumes Plataforma Baran Galiza pola súa colaboración neste acto.

Para nós, o 9 de xaneiro, é un día pola memoria e a solidariedade cas activistas, abusadas, encarceradas, violadas e asasinadas. Un día para dicir xuntas que as súas loitas non foron e non son en balde.

Mais tamén, fai seis anos do asasinato das activistas Sakine Cansiz, Fidan Dogan (Rojbîn) et Leyla Saylemez en Paris.

Sen esquecer o asasinto en 2016, de Seve Demir organizadora da posta en marcha da Caravana Feminista para a IV Acción Internacional da Marcha Mundial das Mulleres en Nusaybin e membra do Partido Democrático das Rexións, Pakize Nayir, vicepresidenta da Asamblea Popular de Silopi, e Fatma Uyar, membra da Unión de Liberación das Mulleres. E moitas máis que non imos a recoller aqui.

Este pobo leva moitos anos loitando polos seus dereitos e polo recoñecemento do seu territorio, fronte a represión e violencia dos estados próximos.

Nestes anos, púxose o foco de atención nas mulleres kurdas como exemplo de autodefensa e de loita pola liberación e organización do seu pobo.

Consideramos que a Unión Europea é cómplice das vulneracións de dereitos do goberno turco.

 

Accións performativas contra a violencia machista

As mulleres da coordenadora de Vigo da Marcha Mundial das mulleres, como acto previo ao día Internacional para a erradicación da violencia machista, queremos convidarvos, este 24 de novembro ás 11:30h. no mercado de Teis, a unha acción de rúa con varias dinámicas das que cómpre da vosa participación e colaboración:

– Trae o teu zapato co que escenificar e dar visibilidade ás 88 mulleres asasinadas este ano no estado español

– Performance creativa feminista contra a violência machista.

Traballaremos co corpo a través do teatro-imaxen, dos sons, dos ritmos e da danza, para visibilizar e deconstruir as opresións que vivimos as mulleres acotío, para propor alternativas transformadoras por medio da expresión artística e con a música e a poesía como ferramentas vinculantes da performance. Todas as mulleres con vontade , con enerxía e sen vergoña, estades convidadas a transgredir connosco do verbal para o corporal. Porque outras formas de linguaxe son posibles, porque todas somos criadoras, e porque se non se pode danzar, esta non é a nosa revolución.

Imos facer un ensaio mais non teño data confirmada, polo que aquelas interesadas en participar na performace, porvos en contato con nós ao correo:mmmvigo@gmail.com

23 Setembro DÍA CONTRA A EXPLOTACIÓN SEXUAL E TRÁFICO DE MULLERES E NENXS

[ 23 Setembro ] DÍA CONTRA A EXPLOTACIÓN SEXUAL E TRÁFICO DE MULLERES E NENXS

No mundo, a abolición da escravitude, data de principios do século XX. Sen embargo, a trata de persoas no mundo sigue sendo un negocio moi rendíbel e sófrena principalmente ás mulleres e nenas, nun 80%, sendo maiormente para a explotación sexual.

No século XXI, nos países que se autoproclaman no mundo como exemplo de democracia,dereitos da cidadanía… seguen existindo escravas explotadas sexualmente. Non de xeito escondido ou soterrado, senón diante dos nosos ollos nas rúas, en pisos, ou en clubs nas estradas. Algo tan inmundo e desapiadado convive connosco sen límites nas nosas cidades e vilas. A sociedade e as administracións toleran esta situación e miran cara outro lado, actuando só cando a súa presencia é molesta ou a exhibición é demasiado evidente, reprimindo na maior parte dos casos ás vítimas e sen menoscabar os privilexios dos opresores.

O estado español é o primeiro consumidor europeo de prostitución, sendo consumidores un 39% de homes. Este porcentaxe non é inocente, queremos poñer o foco nos consumidores, nos que antepoñen os seus desexos a toda ética, nos que asumen que as mulleres están no mundo para o seu servizo. Cando falamos de prostitución ou de trata, os que demandan, os que alimentan este negocio inxente, fican nun cómodo segundo plano, exentos de toda responsabilidade. Son homes cos que convivimos, pais, fillos, veciños, amigos… e sen a súa demanda este comercio inhumano non existiría.

Dende colectivos feministas e de loita contra esta lacra levase reivindicando dende hai anos unha lei integral para as vítimas de trata e unha maior protección e dotación de medios para as prostituídas. Que non sexan precisas denuncias previas das vítimas para as actuacións, que estas teñan unha maior seguridade e protección para elas e as súas familias, alternativas e programas de axuda… Na realidade asistimos a escasas e mornas actuacións contra redes e proxenetas, á frecuente connivencia de poderes públicos cos propios proxenetas e a vítimas totalmente desprotexidas á vista de todo o mundo. Repetimos, non están agochadas, están a vista de todo o mundo.

Como sociedade, cómpre unha resposta urxente e sen físgoas contra este mercado escravista e misóxino: Esixir que se actúe e lexisle con contundencia contra algo que non podemos aceptar e normalizar no noso entorno.

CHARLA CON REBECA LANE E CONCERTOS

A Marcha Mundial das Mulleres temos a sorte de contar por primeira vez con REBECA LANE en Vigo. O martes 5 de xuño, na casa galega da cultura, falaranos de activismos, feminismo e hip hop na súa traxectoria e no seu país: Guatemala.


Rebeca Lane (Guatemala) é unha socióloga, poeta e cantante de rap, feminista e anarquista. Pertence ao colectivo “Ultima Dosis” e é fundadora de Somos Guerreras, unha proposta para visibilizar o traballo das mulleres de Centroamérica no Hip Hop.
Como poeta e socióloga ten un longo historial de colaboracións e publicacións. A súa é unha voz que fala de dereitos humanos, que rescata a memoria dxs represaliadxs políticxs na dictadura militar guatemalteca, que fala de ancestras e de mulleres bravas e emponderadas e que nos trasmite a forza dunha muller libre.

Se non coñeces a súa música animámoste a botar un ollo na súa páxina web: www.rebecalane.com.

Agardamos contar contigo!!

 

E o mércores 6, e xoves 7 de xuño, está en concerto na Coruña e Vigo como se pode ollar nos cartaces!

Dende a coordenadora de Vigo da Marcha Mundial das Mulleres tamén colaboramos para organizar este concerto, agardamos ser moitas acompañando a Rebeca tamén na festa!!

https://www.facebook.com/events/191518494821266/

A MANADA SOMOS NÓS!!

A MANADA SOMOS NÓS!!

Nestes días asistimos á revictimización a través de todo tipo de medios dunha moza que sufriu unha violación múltiple. Os medios de comunicación explicitan a violencia estrutural a través do trato que dan do xuízo, mas non é só no caso da violación de San Fermín senón en todos aqueles procesos xudiciais nos que intervén a violencia machista.

Moitas (todas) sabemos que denunciar as agresións expón ás agredidas a todo tipo de novas e reiteradas agresións públicas e privadas e é por iso que en moitos casos non se dan os pasos necesarios para levar adiante ditas denuncias.

Na Galiza hai xa un par de anos que compañeiras se organizan para a autodefensa facendo especial traballo no contexto de festas e celebracións populares, este traballo desenvólvese baixo a denominación de manada, termo hoxe maltratado e asociado aos agresores.

Dende aquí reivindicamos que a manada somos nós, as feministas, que nos organizamos para defendernos das violencias e que seguimos tecendo rede para ter a forza suficiente para denuncialas.

IMOS FACER RUIDO CONTRA AS AGRESIÓNS

Convidámoste a que o xoves, 23 de novembro, ás 20:00 horas, na farola de Urzaiz-Vigo  saias a rúa connosco nunha ACCIÓN para reivindicar que estamos fartas de agresións! Que estando xuntas a manada somos nós!
Que estamos fartas de que sendo as agredidas se nos cuestione e criminalice!
Que non imos ficar caladas fronte a unha xustiza patriarcal e a uns medios e sociedade cómplices da violencia machista!
Que queremos mudar este entorno machista e que precisamos feminismo para vivir!
Contamos contigo para facer moito, moito ruído. Trae batukada,  panderetas, cacerolas e todo o que se che ocorra para facernos oír. Todas xuntas imos facer que se nos escoite!

Obrigadas a todas as que se organizan para combater tanta e tanta violencia.

En sororidade feminista, Feminismo para Vivir!!

ORGULLO LGTBIAQ+: Tapiz Feminista Lésbico

 

Neste 28 de xuño Día Internacional do ORGULLO LGTBIQ+, as mulleres da Coordenadora Comarcal de Vigo da Marcha Mundial das Mulleres queremos reivindicar e festexar a diversidade afectivo-sexual, as diferentes indentidades de xénero e sexuais e a estrutura familiar escollida libremente cunha acción de rúa, elaborando un tapiz Feminista Lésbico, coa imaxen representada sobre o chan con area, borra do café.., o sábado 24 de xuño na Praza da Pedra ás 10 horas.


Agardamos que nos acompañes na súa creación!!


Mulleres en marcha ata que todas sexamos libres!!

YouTube
YouTube
Instagram
Telegram