Xeral

Todos as novas da web da coordenadora galega da marcha mundial das mulleres.

Actividades do 8 de Marzo 2009

por

O pasado 8 de Marzo, Día Internacional das Mulleres, a Marcha Mundial das Mulleres na Galiza realizou concentracións en distintas cidades da nosa xeográfía baixo o lema “As Mulleres Traballamos, As Mulleres Contamos: Non solucionaredes a crise a costa dos nosos dereitos”. Aquí tedes algunhas crónicas e as imaxes do que sucedeu:

Coruña:

Co galo do 8 de Marzo, a Coordenadora Comarcal da Marcha Mundial das Mulleres da Coruña ven de organizar unha serie de actos que neste ano, e no espíritu da Declaración da Asambleia de Mulleres realizada no FSM de Belém, se encadran na denuncia contra o modelo de desenrolo capitalista, responsábel pola crise que afecta a todo o planeta, e que ten na opresión das mulleres unha das súas bases de sustento. Denunciamos as respostas superficiais á crise que só xeneran máis concentración de riquezas e reprodución do sistema capitalista patriarcal.

O domingo, 08 de Marzo, organizamos unha concentración no Obelisco da Coruña na que se sumaron varios centos de persoas. Durante esta concentración “colgamos” os trapos suxos do actual sistema capitalista patriarcal que rachamos para sustituilos polas alternativas que nós, como mulleres, reafirmamos para o mundo que queremos construir a partir do feminismo, libre de explotación, desigualdade e discriminación, sen violencia e sen racismo.

Esiximos cambios que melloren as nosas condicións de vida e conquisten e consoliden os dereitos que nos son negados.

AS MULLERES TRABALLAMOS, AS MULLERES CONTAMOS
NON SOLUCIONAREDES A CRISE A COSTA DOS NOSOS DEREITOS.

{gallery}2009_8marzo/corunha/8m{/gallery}

Ferrol:

Mais de 500 personas na manifestación organizada por la Marcha Mundial das Mulleres en Ferrolterra.

Mais de 500 persoas acudiron á manifestación convocada en Ferrol, no Dia Internacional das Mulleres, que tivo como eixo central a situación das mulleres na crise económica. Partiu ás 12:30 da Praza Amada García, enchendo con consignas reivindicativas as rúas do centro da cidade “Non renunciamos a ser iguais”, “A igual salário igual traballo”, facendo refenecia ao direito ao aborto, con mostras de repulsa ao machismo, ao racismo, á xenofobia e a homofobia, ou denunciando “aos ladróns da banca mundial”. Tampouco faltaron cantigas reivindicativas “Mulleres somos mulleres seremos pero no paro non nos quedaremos”.

Cando a manifestación chegou aos Cantóns, comezou um acto no que interviron representantes das organizacións que apoiaban a convocatória. A representate da Secretaria da Muller da CIG, Marité Freire, debuxou a situación laboral das mulleres galegas, e denunciou que a crise económica está reforzando os roles tradicionais impedindo a conciliación da vida familiar e laboral. Animou a loitar por un novo modelo socio-económico máis xusto e solidario.

A continuación, Carmen Freire, Secretaria Xeral do Sindicato Labrego Galego, defendeu na súa intervención os direitos das mulleres labregas e apuntou que frente ás multinacionais e os governos que as sustentan, depredadoras dos recursos do planeta, a Soberania Alimentaria é un dereito dos povos que asegura o dereito básico aos alimentos e a protección do medio ambiente. “Se queren solucionar a crise que presten oido ás voces das mulleres e dos movimentos sociais que decimos que este modelo económico está acabado” Anxela Lagoa da USTG, valorou moi positivamente a participación na Marcha Mundial das Mulleres e fixo lectura do comunicado elaborado pola Asamblea de Mulleres do Foro Social Mundial celebrado en Brasil o pasado mes de Xaneiro. Paula López e Bárbara Primo, deron lectura ao comunicado da Marcha rematando as intervencións con vivas á loita feminista e coreando o lema da mobilización “As mulleres traballamos, as mulleres contamos! Non solucionaredes a crise a costa dos nosos dereitos!”

{gallery}2009_8marzo/ferrol{/gallery}

Compostela:

Este domingo 8 de marzo xuntamonos en Compostela máis de 200 mulleres convocadas pola Marcha Mundial das Mulleres e secundada por diferentes colectivos e  organizacións. O motivo foi a celebración do Día Internacional da Muller e este ano tiña como lema: “As mulleres traballamos, as mulleres contamos”. Enmarcada no contexto da crise económica e financieira, as mulleres quixeron deixar claro a institucións e entidades que “non solucionaredes a crise a costa dos nosos dereitos”.

A manifestación comezou na Praza do Toural, e continuou por Virxe da Cerca para rematar na Praza do 8 de Marzo. Neste recorrido entonáronse diferentes consignas e cánticos da luita feminista (como son o aborto libre e gratuito ou  a repartición do traballo doméstico), pero deuselle especial importancial á crise económica e ás súas consecuencias laborais para a muller (paro, precariedade laboral, diferencias salariais…).

Na Praza do 8 de Marzo, Pili Estévez da MMM liu un manifesto no que se trataba de visibilizar a muller na crise, e cales son as demandas do feminismo ante ésta. Tras a súa lectura convidouse a todas e todos os que alí estaban á Gentalha do Pichel, onde había festa-xantar.

Video da Manifestación (A Nosa Terra)

Video de Manifestación (GZVideos.info)

{gallery}2009_8marzo/compostela/8m{/gallery}

Vigo:

Video da Manifestación (GZVideos.info)

{gallery}2009_8marzo/vigo{/gallery}

Pontevedra:

Os actos en Pontevedra celebráronse o sábado 7 de marzo: ás 11 da mañá colocamos a pancarta na praza “8 de marzo dia internacional das mulleres”, esta é a praza na que a Marcha Mundial das Mulleres realizamos todos os actos. Ás 5 da tarde comezamos a decorar a praza con bandeiras da Marcha, puxemos a mesa de material de venta e colocamos o material para realizar o oradoiro. Este ano esquecéusenos poñerlle título ao obradoiro. Pintamos o símbolo da Marcha co mundo no seu interior e ao longo da tea siluetas de mulleres ,as mulleres eran de diferentes cores simbolizando a variedade e diversidade. A partir de aqui as persoas que pasaban pola praza e que convidabamos a participar escribían dentro das siluetas os valores, feitos, accións coas que conseguimos avanzar, empoderarnos e conquistar, e fora das siluetas os valores , accións, institucións, realidades que nos seguen invisibilizando, explotando, discriminando. Participaron neste obradoiro moitas persoas e sobre todo moita mocedade, pasaban grupos de rapazas e rapaces que se animaban a pensar, crear e escribir. Esta praza está moi concorrida e nesas dúas horas de duración do obradoiro puideron pasar tranquilamente mil persoas.

Ás 8 da tarde tivemos concentración na que actuaron gaiteiras, pandereteiras e tambolireiras da escola de música tradicional de Poio, tamén se fixo a leitura do manifesto da Marcha Mundial das Mulleres, estaríamos na concentración case unhas cento cincoenta persoas. Ás 10 da noite tivemos cea de mulleres, este ano fumos cincoenta, e ás 12 da noite  tivemos festa mixta.

Ourense:

En Ourense as mulleres da Marcha Mundial organizamos un acto simbólico no que, vestidas de sufraxistas e diferentes profesións, reclamamos a igualdade salaria, un traballo digno para as mulleres, o acceso das mulleres ao emprego en condicións de igualdade e que a crise non a paguemos as mulleres con recortes nos nosos dereitos sociais e laborais.

{gallery}2009_8marzo/ourense{/gallery}

Charla sobre a Crise na Coruña:

O sábado, 07 de Marzo, celebramos un videoforum coa proxección da curtometraxe “Aguantando el tipo”, que relata a loita das mulleres da multinacional Jaegel-Magneti de Barcelona nos anos 80, reclamando que polo traballo que estaban a realizar, exactamente igual que os homes, lles aplicaran tamén igual salario.

Contamos para este videoforum coa participación de Carme López Santamariña, Secretaria de Muller da Confederación Intersidical Galega (C.I.G.) e con Hortensia, muller uruguaia residente na Coruña que explicou a problemática das mulleres inmigrantes diante da crise que estamos a sufrir.

{gallery}2009_8marzo/corunha/crise{/gallery}

Xantar en Compostela:

Tras a lectura do comunicado convidouse a todas e todos os asistentes a participar na Gentalha do Pichel a unha festa-xantar organizada pola Cordenadora Local de Compostela. Aproximadamente unhas 100 mulleres xuntáronse na Gentalha.

É de agradecer o ben que nos tratou a xente do Pichel, que incluso nos agasallou con unha laconada.

{gallery}2009_8marzo/compostela/xantar{/gallery}

 

Eco nos Meios:

– Cara ao 2020 con máis dereitos e mellor asentados.

– Máis de 300 persoas piden en santiago que a crise non se ensañe coas persoas.

– Máis de mil persoas reivindican “melloras nas condicións de vida das mulleres”.

– As marchas do 8 de marzo centranse na crisis e o paro.

– As viguesas mobilízanse para que a crise non as perxudique máis a elas.

– Centenares de galegos se mobilizan para exixir un “papel activo” da muller na loita contra a crise.

– Un papel máis activo no mundo laboral.

– As mulleres piden que non se solucione a crise a costa dos seus dereitos.

– Non solucionaredes a crise a costa dos nosos dereitos.

As Mulleres Traballamos, As Mulleres Contamos

por

NON SOLUCIONAREDES A CRISE A COSTA DOS NOSOS DEREITOS

Todos os anos, o 8 de Marzo, mulleres en todo o mundo mobilizámonos para reivindicar e esixir cambios que melloren as nosas condicións de vida e conquisten e consoliden dereitos que nos son negados. As mobilizacións mundiais este 8 de Marzo van facer referencia a como nos afecta ás mulleres esta crise de dimensións múltiples: de traballo, de acceso aos alimentos, enerxética, medioambiental e financeira. Consecuencia do sistema capitalista e do neoliberalismo, da avaricia sen límites, da falta de transparencia e de control social que configuran a realidade financeira mundial.

Hoxe en día ninguén nega que as mulleres en todo o planeta, en maior ou menor grao, chegamos a esta situación de crise con clara desvantaxe. Os organismos internacionais aseguran que de cada 10 persoas pobres no planeta, 7 somos mulleres. Tamén afirman que posuímos só o 1% da propiedade da terra. O patriarcado, que historicamente mantén ás mulleres nunha situación de subordinación, encontrou no capitalismo un grande aliado.

En países occidentais como o noso, as estatísticas nos aseguran que somos maioría no paro, temos máis eventualidade e precariedade no emprego, e cobramos un 30% menos de salario. Esta realidade agudízase no caso das mulleres novas, do colectivo de mulleres ciganas ou mulleres inmigrantes. Somos maioría nos sectores laborais peor valorados e peor pagados, como son o marisqueo a pé, a conserva, o téxtil, limpeza, hostalaría e comercio, agricultura ou no servizo doméstico. Hai que sumar a todo isto que seguimos levando case toda a responsabilidade do coidado e do traballo no ámbito doméstico.

Por iso, este 8 de Marzo, ao mobilizarnos e dirixirnos á sociedade e ás institucións, queremos concienciar e convencer da necesidade de resolver a crise económica superando as limitacións do neoliberalismo e do libre mercado, e facelo con alternativas que fortalezan os dereitos das mulleres e a participación en igualdade na actividade económica.

As políticas neoliberais emanadas dos intereses das grandes corporacións e aplicadas por organismos baixo o seu control (OMC, BM e FMI), concretáronse na privatización de servizos básicos como a sanidade e a educación, de recursos como a auga e a terra, con políticas de dependencia enerxética e alimentaria, destrución de tecidos produtivos… provocando un aumento da pobreza e a desigualdade en todo o planeta.

Asistimos con preocupación á aplicación, por parte de moitos gobernos, de medidas de loita contra a crise, que trasladan grandes cantidades de fondos públicos en axudas a grandes empresas e entidades financeiras. Todo menos intentar un control público das entidades financeiras, ou un novo modelo produtivo ao servizo das necesidades das persoas e non da produción e o consumo sen límites.

Os recursos públicos son imprescindíbeis para garantir os dereitos conquistados ao longo de décadas de loita feminista, para soster as intervencións de loita contra a violencia machista, para manter os servizos básicos como a saúde e a educación, a atención ás persoas dependentes, os programas de educación afectivo-sexual, as políticas de integración…

Tamén sabemos da importancia que ten para as mulleres o mantemento do emprego público para evitar a precarización, para evitar a discriminación no acceso ao emprego e na promoción laboral, para manter mellores condicións laborais, medidas específicas de protección por maternidade ou por ser vítimas de violencia, etc. dereitos básicos que dificilmente conseguimos ou podemos exercer nas empresas privadas.

Nós tamén sabemos botar ben as contas. Todo o diñeiro público destinado a quen amasou e amasa riqueza, vai supor números vermellos para manter os servizos públicos, as políticas sociais ou a creación de emprego. Por iso imos estar atentas, organizadas e activas para denunciar as políticas que reproduzan a exclusión das mulleres da actividade económica, ou que recorten as coberturas sociais que temos alcanzado até o momento. Imos esixir políticas decididas que se aparten da doutrina neoliberal e que aseguren non só a consolidación do que temos acadado até o momento, senón que supoñan un avance en dereitos e en igualdade.

Este 8 de Marzo, Día Internacional das Mulleres, imos estar mobilizadas xunto a moitas outras mulleres do planeta non para pedir unha refundación do capitalismo, senón para esixir o certificado da súa defunción. Porque queremos un modelo económico ao servizo das persoas e non do capital. Porque para o capitalismo son imprescindíbeis a produción e o consumo sen límites, mais para as persoas son imprescindíbeis os dereitos e os coidados.

Descargar folleto aquí

8 de Marzo, Día Internacional das Mulleres

por
Dende a Marcha Mundial das Mulleres na Galiza convocamos un ano máis á cidadanía a mobilizarse o 8 de Marzo na loita polos dereitos das mulleres:
Domingo 8 de marzo
Día Internacional das Mulleres

“AS MULLERES TRABALLAMOS, AS MULLERES CONTAMOS”
NON SOLUCIONAREDES A CRISE A COSTA DE NOSOS DEREITOS

A Marcha Mundial das Mulleres organiza os seguintes actos nas diferentes localidades galegas:

A Coruña
Sábado 7 marzo. Video forum 18:30 h “As mulleres ante a crise”. Casa Casares Quiroga (Rúa Panadeiras)
Domingo 8 marzo. Concentración 12:30 h. Obelisco
Compostela
Domingo 8 de marzo. Manifestación 12:00 h. con saída da Praza do Toural e chegada na Praza de Marzo
Ferrol
Domingo 8 de marzo. Manifestación 12:30 h. con saída da Praza Amada García (Edificio Xunta de Galiza) e chegada ao Cantón de Molins
Ourense
Sábado 7 de marzo. 19:00 h. Acto das mulleres na Praza Concepción Arenal (Xulgados) e posterior percorrido polo Paseo
Pontevedra
Sábado 7 de marzo. Concentración 20:00 h. na Praza 8 de Marzo
Vigo
Domingo 8 de marzo. Manifestación 12:00 h. con saída da Praza 8 de marzo

Fórum Social Mundial de 2009, Belém do Para, Brasil

por
Declaração da Assembléia de Mulheres

No ano em que o FSM encontra-se com a população da Pan-Amazônia, nós mulheres de diferentes partes do mundo, reunidas em Belém, afirmamos a contribuição das mulheres indígenas e das mulheres de todos os povos da floresta como sujeito político que vem enriquecer o feminismo a partir da diversidade cultural de nossas sociedades e conosco fortalecer a luta feminista contra o sistema patriarcal capitalista globalizado.

O mundo hoje assiste a crises que expõem a inviabilidade deste sistema. As crises financeiras, alimentar, climática e energética não são fenômenos isolados, mas representam uma mesma crise do modelo, movida pela superexploração o do trabalho e da natureza e pela especulação e financeirização o da economia.

Frente a estas crises não nos interessam as respostas paliativas e baseadas ainda na lógica do mercado. Isto somente pode levar a uma sobrevida do mesmo sistema. Precisamos avançar na construção de alternativas. Para a crise climática e energética, negamos a solução por meio dos agrocombustíveis e do mercado de créditos de carbono. Nós, mulheres feministas, propomos a mudança no modelo de produção e consumo.

Para a crise alimentar, afirmamos que os transgênicos não representam uma solução. Nossa proposta é a soberania alimentar e a produção agroecológica.

Frente à crise financeira e econômica, somos contra os milhões retirados dos fundos públicos para salvar bancos e empresas. Nós mulheres feministas reivindicamos proteção ao trabalho e direito à renda digna.

Não podemos aceitar que as tentativas de manutenção desse sistema sejam feitas à custa de nós mulheres. As demissões em massa, o corte de gastos públicos nas áreas sociais e a reafirmação desse modelo produtivo afeta diretamente nossas vidas à medida que aumenta o trabalho de reprodução e de sustentabilidade da vida.

Para impor seu domínio no mundo, o sistema recorre à militarização e ao armamentismo; inventa confrontações genocidas que fazem das mulheres botim de guerra e sujeitam seus corpos à violência sexual como arma de guerra contra as mulheres no conflito armado. Expulsa populações e as obriga a viver como refugiadas políticas; deixa na impunidade a violência contra as mulheres, o feminicídio e outros crimes contra a humanidade, que se sucedem cotidianamente nos contextos de conflitos armados.

Nós feministas propomos transformações profundas e radicais das relações entre os seres humanos e com a natureza, o fim da lesbofobia, do patriarcado heteronormativo e racista. Exigimos o fim do controle sobre nossos corpos e sexualidade.

Reivindicamos o direito a decidir com liberdade sobre nossas vidas e territórios que habitamos. Queremos que a reprodução da sociedade não se faça a partir da superexploração o das mulheres.

No encontro das nossas forças, nós nos solidarizamos com as mulheres das regiões de conflitos armados e de guerra. Juntamos nossas vozes às das companheiras do Haiti e rechaçamos a violência praticada pelas forças militares de ocupação. Nossa solidariedade às colombianas, congolesas e tantas outras que resistem cotidianamente à violência de grupos militares e das milícias envolvidas nos conflitos em seus países. Expressamos nossa solidariedade com as iraquianas que enfrentam a violência da ocupação militar norte-americana.

Nesse momento em especial, nós nos solidarizamos com as mulheres palestinas que estão na Faixa de Gaza, sob ataque militar de Israel. E nos somamos a todas que lutam pelo fim da guerra no Oriente Médio.

Na paz e na guerra nos solidarizamos às mulheres vitimas de violência patriarcal e racista contra mulheres negras e jovens.

De igual maneira, manifestamos nosso apoio e solidariedade a cada uma das companheiras que estão em lutas de resistência contra as barragens, as madeireiras, mineradoras e os mega-projetos na Amazônia e outras partes do mundo, e que estão sendo perseguidas por sua oposição legítima à exploração. Nos somamos às lutas pelo direito à água.

Nos solidarizamos a todas as mulheres criminalizadas pela prática do aborto ou por defenderem este direito. Nós reforçamos nosso compromisso e convergimos nossas ações para resistir à ofensiva fundamentalista e conservadora, e garantir que todas as mulheres que precisem tenham direito ao aborto legal e seguro.

Nos somamos às lutas por acessibilidade para as mulheres com deficiência e pelo direito de ir e vir e permanecer das mulheres migrantes.

Por nós e por todas estas, seguiremos comprometidas com a construção do movimento feminista como uma força política contra-hegemônica e um instrumento das mulheres para alcançar a transformação de suas vidas e de nossas sociedades, apoiando e fortalecendo a auto-organização das mulheres, o diálogo e articulação das lutas dos movimentos sociais.

Estaremos todas, em todo o mundo, no próximo 8 de março e na Semana de Ação Global 2010, confrontando o sistema patriarcal e capitalista que nos oprime e explora. Nas ruas e em nossas casas, nas florestas e nos campos, no prosseguir de nossas lutas e no cotidiano de nossas vidas, manteremos nossa rebeldia e mobilização.

Belém, 1 de fevereiro de 2009

Todas somos Palestina

por

Nen guerra que nos mate, nen paz que nos oprima

A Marcha Mundial das Mulleres formou parte das organizacións convocantes e participou con comitiva propia o pasado Domingo 18 de Xaneiro na manifestación nacional en apoio ao pobo palestino baixo un manifesto conxunto para exixir:

  • Que se impulsen políticas activas de solidariedade en favor de Palestina.

  • Que a Xunta de Galicia se pronuncie contra Israel e a favor do pobo palestino.

  • Que se declaren á embaixada e o Goberno Israelí non gratos en todo o territorio galego no seu conxunto; e concello por concello,

  • E que os medios de comunicación e a prensa internacional informen con imparcialidade e non a favor do sionismo .

Dende a Marcha tentamos dar voz ás nosas compañeiras palestinas a través das súas imaxes que levamos na nosa comitiva co gallo de facelas presentes na mobilización como xa o están sempre no corazón de todas nós.

Eis unhas imaxes da nosa participación en favor da paz e en defensa dos dereitos do pobo palestino:

Eis un video da comitiva na manifestación:

Máis información sobre a repercusión desta mobilización nos meios (tirada de Galiza por Palestina):

Por umha Lei Integral do Aborto

por

Como parte das actividades transversais do Foro Social Galego, a Marcha Mundial das Mulheres organizou no sábado 6 de dezembro umha apresentaçom dos diferentes aspectos a considerar na elaboraçom dumha Lei Integral do Aborto: A luita polos direitos reprodutivos, umha rede efectiva de Centros de Planeamento Familiar, os aspectos legais e alternativas à despenalizaçom do aborto, e as diferentes perspectivas e pontos em comum dos diferentes colectivos que participaram nas jornadas organizadas na Corunha em Maio com motivo do Dia Internacional da Acçom pola Saúde das Mulheres.

Estabeleceu-se que os direitos das mulheres som direitos humanos e como tal tenhem de ser defendidos. As mulheres nom podemos ser criminalizadas por exercer o nosso direito a decidir livre e responsavelmente se queremos ter crianças ou nom, e de que maneira decidimos exercer a nossa sexualidade, tal e como está reflectido na conferência do Cairo de 1994 sobre populaçom e desenvolvimento. Tampouco podemos ser discriminadas por razons geográficas dependendo de se vivemos numha cidade como por exemplo Corunha, com um modelo a seguir de Centro de Planeamento Familiar, e com possibilidades de poder realizar um aborto com garantias sanitárias e humanas, ou se por acaso moramos numha localidade onde nom há centros de estas características.

Falou-se das dificuldades e barreiras legais herdadas dum sistema jurídico e político patriarcal e conservador, e se propugérom alternativas baseadas em modelos europeus onde a informaçom, a co-educaçom sexual e afectiva desde crianças, a assistência sanitária, e os direitos da mulher prevaleceriam sobre prejuízos tirados doutras épocas.

Mas como vamos conseguir o nosso objectivo? Como vamos luitar contra a evidente campanha reaccionária contra o direito a decidir das mulheres? Vozes lá em Maio como neste acto saírom clamando o mesmo: ‘Temos que procurar objectivos comuns entre as mulheres, militemos ou nom, tenhamos as diferenças que tenhamos, e levar este tema adiante já’, ‘Os direitos das mulheres defendem-se nom só com pessoas que falam, mas com pessoas que tomam acçom’. É pois a nossa responsabilidade, como mulheres, como defensoras dos direitos humanos de construir estratégias de trabalho conjunto entre todos os colectivos feministas e de activismo do nosso país para sair triunfantes desta a nossa luita.

A publicaçom das jornadas do aborto ‘O Direito a Decidir: Situaçom Actual e Alternativas à Despenalizaçom do Aborto’ nas quais baseamos a apresentaçom deste acto estará disponível para começos do próximo ano.

Fotos do 25 de Novembro de 2008

por
O pasado 25 de novembro, Dia Internacional contra a Violencia Machista a Marcha Mundial das Mulleres na Galiza realizou concentracións en distintas cidades da nosa xeográfía coa esperanza de sementar un futuro sen violencia. Aquí tedes algunhas imaxes do que sucedeu.
Coruña:

{gallery}2008_25novembro/corunha{/gallery}

Vigo:
{gallery}2008_25novembro/vigo{/gallery}

Ferrol:
{gallery}2008_25novembro/ferrol{/gallery}

Organizacións participantes

por

Organizacións participantes na Coordenadora Nacional Galega da MMM

Colectivos Feministas

Colectivos de Organismos Sociais

Departamentos e Secretarías de Organismos Sindicais

Departamentos e Secretarías de Partidos Políticos

A Marcha na Galiza

por

Actualmente somos 36 organizacións e un número indefinido de mulleres individuais as que conformamos a Coordenadora Galega da Marcha Mundial das Mulleres.

A actividade da Marcha Mundial das Mulleres na Galiza remóntase ao ano 2000, ano no que se constitúe a Coordenadora Galega, e no que participamos na Mobilización Europea celebrada en Bruxelas.

Desde entón, e aínda tendo diferenzas nos campos de actuación e sectores sociais e ideolóxicos aos que representamos, únennos os obxectivos da Marcha Internacional: a loita contra a pobreza e contra a violencia de xénero.

Unha loita que na Galiza pasa por medidas concretas e efectivas que nós sintetizamos nunha táboa reivindicativa que guía todas as actuacións da Coordenadora Galega e nos permita negociar e esixir ás distintas institucións, a súa concretización real.

Desde o seu comezo, a Coordenadora Galega da Marcha Mundial das Mulleres combina a participación nas campañas a nivel mundial (participación nos Encontros Internacionais, Carta Mundial das Mulleres para a Humanidade, Manta Mundial da Solidariedade…) e o deseño de campañas propias axeitadas á nosa realidade máis próxima, nomeadamente arredor das datas do 25 de Novembro, Día Internacional contra a Violencia de Xénero, e do 8 de Marzo, Día Internacional das Mulleres.

Ademais, no ano 2004, Galiza acolleu na cidade de Vigo o Encontro Europeo da Marcha Mundial das Mulleres, no que participaron máis de 40.000 mulleres galegas e de toda Europa.

En outubro deste ano Galiza acollerá o VII Encontro Internacional da Marcha Mundial das Mulleres.

Carta Mundial das Mulleres para a Humanidade

por
Nós, as mulleres, hai moito tempo marchamos para denunciar e esixir o fin da opresión que vivimos por sermos mulleres e, para afirmar que a dominación, a explotación, o egoísmo e a busca desenfrenada do lucro producen inxustizas, guerras, ocupacións, violencias e deben acabar.

Das nosas loitas feministas e das loitas das nosas antepasadas de todos os continentes, naceron novos espazos de liberdade para nós, para as nosas fillas e fillos, para todas as pequenas e pequenos que, despois de nós camiñarán sobre a Terra.

Estamos construíndo un mundo no cal a diversidade é unha virtude: tanto a individualidade como a colectividade son fontes de crecemento; onde as relacións flúen sen barreiras; onde a palabra, o canto e os soños florecen. Ese mundo considera á persoa humana como unha das riquezas máis preciosas. Un mundo no cal reina a igualdade, a liberdade, a solidariedade, a xustiza e a paz. Nos somos capaces de criar este mundo. Constituimos máis da metade da humanidade. Damos a vida, traballamos, amamos, criamos, militamos, divertímonos. Garantimos actualmente a maior parte das tarefas esenciais para a vida e a continuidade da humanidade. Ainda así, nesta sociedade continuamos sendo oprimidas.

A Marcha Mundial das Mulleres, da cal facemos parte, identifica o patriarcado como un sistema de opresión das mulleres e o capitalismo como un sistema de explotación dunha inmensa maioria de mulleres e homes por parte dunha minoría.

Eses sistemas refórzanse mutuamente. Enraízanse e conxúganse co racismo, o sexismo, a misoxinia, a xenofobia, a homofobia, o colonialismo, o imperialismo, o escravismo e o traballo forzado. Constitúen a base dos fundamentalismos e integrismos que impiden ás mulleres e aos homes seren libres. Xeran pobreza, exclusión, violan os dereitos dos seres humanos, particularmente os das mulleres, e poñen a humanidade e ao planeta en perigo.

NÓS REXEITAMOS ESE MUNDO!!!

Propomos construír outro mundo, onde a explotación, a opresión, a intolerancia e as exclusións non existan máis; onde a integridade, a diversidade, os dereitos e liberdades de todas e todos sexan respectados.

Esta carta baséase nos valores de igualdade, liberdade, solidariedade, xustiza e paz.

IGUALDADE

Todos os seres humanos e todos os pobos son iguais, en todos os dominios e en todas as sociedades. Teñen igual acceso ás riquezas, á terra, a un emprego digno, aos medios de produción, a unha vivenda axeitada, á educación de calidade, á formación profesional, á xustiza, a unha alimentación saudable, nutritiva e suficiente, a servizos de saúde física e mental, a seguridade durante a vellez, a un medio ambiente saudable, á propiedade, a funcións de representación política e de toma de decisións, a enerxia, á auga potable, ao ar puro, aos medios de transporte, ás técnicas, á información, aos medios de comunicación, ao lecer, a cultura, ao descanso, á tecnoloxía e as innovacións científicas.

Ningunha condición humana ou condición de vida xustifica a discriminación.

Ningún costume, tradición, relixión, ideoloxía, sistema económico ou político xustifican que unha persoa sexa posta en situación de inferioridade, nin permitir actos que poñan en perigo a súa dignidade e integridade física ou psicolóxica.

As mulleres son cidadás de pleno dereito, antes de seren conxuxes, compañeiras, esposas, nais ou traballadoras.

As tarefas non remuneradas, ditas femininas, que garanten a vida e a continuidade da sociedade (traballos domésticos, educación, coidado das fillas e fillos e dos familiares) son actividades económicas que crean riqueza e que deben ser valoradas e compartidas.

Os intercambios comerciais entre países son equitativos e non son prexudiciais ao desenvolvemento dos pobos.

Cada persoa ten acceso a un traballo remunerado xustamente, efectuado en condicións seguras e salubres que a permitan vivir dignamente.

LIBERDADE

Todo ser humano vive libre de todo tipo de violencia. Ningún ser humano pertence a outro. Ningunha persoa pode ser obxecto de escravitude, ser forzada ao casamento, ser sometida a traballos forzados, ser obxecto de tráfico e de explotación sexual.

Cada persoa goza de liberdades colectivas e individuais que garantan a súa dignidade, en especial: liberdade de pensamento, de conciencia, de crenza, de relixión; de expresión, de opinión; de vivir libremente e de maneira responsable a súa sexualidade, escoller á persoa con quen compartir a súa vida; de votar, de ser elixida, de participar na vida política; de se asociar, reunir, sindicalizar, manifestarse ; de escoller o seu domicilio, a súa nacionalidade, de escoller o seu estado civil; de seguir os estudos da súa escolla, de escoller a súa profesión e exercela; de se mudar, de dispor da súa persoa e dos seus bens; de escoller o seu idioma de comunicación respectando as linguas minoritarias e as decisións colectivas en canto á lingua de uso e de traballo; de se informar, de aprender cousas novas, intercambiar ideas e ter acceso ás tecnoloxias da información.

As liberdades exércense na tolerancia e no respecto á opinión de cada persoa e dentro de parámetros democráticos e participativos. As liberdades implican responsabilidades e deberes coa comunidade.

As mulleres toman libremente as decisións no que se refire ao seu corpo, a súa sexualidade e a súa fecundidade. Deciden por si mesmas ter ou non descendencia.

A democracia exércese se hai liberdade e igualdade.

SOLIDARIEDADE

A solidariedade internacional é promovida entre as persoas e os pobos sen ningún tipo de manipulación ou influencia.

Todos os seres humanos son interdependentes. Comparten o deber e a vontade de vivir xuntos, de construír unha sociedade xenerosa, xusta e igualitaria, baseada no exercicio dos dereitos humanos, exenta de opresión, de exclusións, e discriminacións, de intolerancia e de violencias.

Os recursos naturais, os bens e os servizos necesarios para a vida de todas e de todos son bens e servizos públicos de calidade aos cales cada persoa ten acceso de maneira igualitaria e equitativa.

Os recursos naturais son administrados polos pobos que viven nos territorios onde eses se encontran, respectando o medio ambiente e actuando para a súa preservación e sustentabilidade.

A economía dunha sociedade está ao servizo daquelas e daqueles que a compoñen. A economía é dirixida á produción e intercambio de riquezas socialmente útiles, que son distribuídas entre todas e todos, que garanten principalmente a satisfación das necesidades colectivas, eliminan a pobreza e aseguran un equilibrio entre o interese xeral e os intereses individuais. A economía garante a soberanía alimentaria. Esta economía oponse á busca exclusiva do lucro e a acumulación privada dos medios de produción, das riquezas, do capital, das terras, das tomas de decisións nas mans dalgúns grupos ou dalgunhas persoas.

A contribución de cada unha e de cada un para a sociedade é recoñecida e independente da función que ocupa. Todas as persoas gozan de dereitos sociais.

As manipulacións xenéticas son controladas. Non existe dereito de propiedade sobre o ser vivo nin sobre o xenoma humano. A clonaxe humana está prohibida.

XUSTIZA

Todos os seres humanos independentemente do seu país de orixe, da súa nacionalidade e do seu lugar de residencia, son considerados cidadás e cidadáns con plenos dereitos humanos (dereitos sociais, económicos, políticos, civís, culturais, sexuais, reprodutivos, ambientais) de forma realmente democrática, igualitaria e equitativa.

A xustiza social baséase nunha redistribución equitativa das riquezas, que elimina a pobreza, limita a riqueza e garante a satisfación das necesidades esenciais da vida, e que apunta a melloría do benestar de todas e todos.

A integridade física e moral de todas e todos está garantida. A tortura, os tratamentos humillantes e degradantes están prohibidos. As agresións sexuais, o estupro, as mutilacións xenitais femininas, as violencias específicas contra as mulleres e o tráfico sexual e de seres humanos son considerados crimes contra a persoa e contra a humanidade.

O sistema xudicial é accesible, igualitario, eficaz e independente.

Cada persoa goza da proteción social necesaria para garantir o seu aceso á alimentación, ao cuidado, a atención á saude, a vivenda axeitada, a educación, a información, e a segridade durante a vellez. Cada persoa ten acceso á renda suficiente para vivir dignamente.

Os servizos de saúde e sociais son públicos, accesibles, de calidade, gratuítos para todos os tratamentos, todas as pandemias, particularmente para a VIH.

PAZ

Todos os seres humanos viven nun mundo de paz. A paz resulta en particular da igualdade entre os sexos, da igualdade social, económica, política, xurídica e cultural, do respecto aos dereitos, da erradicación da pobreza que asegure a todas e todos unha vida digna, exenta de violencia, onde cada persoa ten un traballo e recursos suficientes para se alimentar, ter vivenda, vestirse, instruírse, estar protexida na vellez, ter acceso aos coidados necesarios.

A tolerancia, o diálogo, o respecto da diversidade son garantías de paz.

Todas as formas de dominación, de explotación e de exclusión de parte dunha persoa sobre outra, dun grupo sobre outro, dunha minoira sobre unha maioria, dunha maioria sobre unha minoría, dunha nación sobre outra están rexeitadas.

Todos os seres humanos teñen o dereito de vivir nun mundo sen guerra e sen conflito armado, sen ocupación estranxeira nin base militar. Ninguén ten dereito sobre a vida ou morte das persoas ou dos pobos.

Ningún costume, tradición, ideoloxía, relixión, sistema económico nin político xustifican as violencias.

Os conflitos armados ou non entre os países, comunidades ou pobos son resoltos pola negociación que permite encontrar solucións pacíficas, xustas e equitativas a nivel nacional, rexional e internacional.

Esta Carta Mundial das Mulleres para a Humanidade fai un chamamento a todas as mulleres e homes e a todos os grupos oprimidos do planeta a proclamaren individual e colectivamente o seu poder para transformar o mundo e modificar radicalmente as relacións existentes e transformándoas en relacións baseadas na igualdade, na paz, na liberdade, na solidariedade e na xustiza. Esta Carta chama a todos os movemento sociais e a todas as forzas sociais a axir para que os valores que defendemos sexan verdadeiramente postos en práctica, e para que as instancias de poder político tomen todas as medidas necesarias para a súa aplicación.

Esta Carta fai un chamamento á acción inmediada para mudar o mundo!!!!

Facebook
Twitter
YouTube
YouTube
Set Youtube Channel ID
Instagram
Telegram