As nosas compañeiras da Marcha Mundial das Mulleres de Chile realizaron neste 2020 unha antoloxía sobre Economía Feminista a través da revista Ceres.
Deixamosvos o enlace para que podades desfrutar e aprende con elas: DESCARGAR
Libros e publicacións
O Segundo Sexo, Simone de Beauvoir
Un 9 de xaneiro nacía Simone de Beauvoir. Hoxe entendemos a súa obra “O Segundo Sexo” (1949) como un dos nosos textos fundamentais. Neste día partillamos con vos os dous volumes na nosa lingua 👇👇👇
📖👉 O segundo sexo. vol I http://www.afoiceeomartelo.com.br/posfsa/Autores/Beauvoir,%20Simone%20de/O%20Segundo%20Sexo%20-%20I.pdf
📖👉 O segundo sexo. vol II http://www.afoiceeomartelo.com.br/posfsa/autores/Beauvoir,%20Simone%20de/O%20Segundo%20Sexo%20-%20II.pdf
Boletíns de Nyeleni, a voz da Soberanía Alimentaria
O Boletín internacional Nyéléni é a voz do movemento internacional pola Soberanía Alimentaria. O seu obxectivo principal é reforzar as bases do movemento, proporcionando material accesíbel sobre temas chave e creando un espazo para que as persoas e as organizacións que participan na loita intercambien experiencias e partillen información
Web onde se pode acceder aos boletíns en diferentes linguas: https://nyeleni.org/
Recomendamos especialmente o boletín sobre Mulleres e Soberanía alimentar
Feminismo e Soberanía Alimentaria
Aqui podedes descargar a publicación nacida do encontro “Reflexións Feministas en torno da Soberanía Alimentaria” Bilbao, abril de 2011
A III Acción Internacional de 2010
A Marcha Mundial das Mulheres (MMM) é um movimento feminista internacional enraizado em organizaçoes de base. Acreditamos que é possível enfrentar as causas da nossa pobreza e da nossa opressao por meio da construçao de uma solidariedade activa entre mulheres e homens. O ano de 2010 foi marcado pela nossa Terceira açao Internacional. Milhares de mulheres em todo o mundo marcharam sob o lema ‘Seguiremos em marcha até que todas sejamos livres!’
Os seis textos aqui apresentados documentam nossa açao de 2010.
Caderno de formación da MMM do Brasil
O objetivo dos Cadernos Marcha Mundial das Mulheres é ser um material de apoio ás formas e reïtos da militáncia da Marcha. Como esse deve ser um processo permanente, a proposta é dar início a uma série de Cadernos.
Contido:
A Marcha Mundial das Mulheres: mulheres em movimento mudam o mundo
Critica Feminista à Sociedade de Mercado
O Trabalho das Mulheres
Tráfi co de Mulheres e Prostituição
Desafi os para a Soberania Alimentar desde as mulheres
Mulheres por uma vida sem violência!
Manifesto das mozas feministas na Europa
Este texto é un documento de traballo creado no Campamento de novas feministas da europa organizado en 2011 polo grupo de novas da Coordenadora de París da Marcha Mundial das Mulleres. Durante os sete días que durou o campamento tiveron lugar numerosos talleres, obradoiros e debates en torno a diversos temas que cristalizaron no presente documento de traballo conxunto realizado por mozas de Francia, Galiza, Bélxica, Euskal Herria, Suiza, Portugal, Armenia, Rumanía, Polonia e Macedonia.
O obxetivo do presente documento é analizar conxuntamente as loitas compartidas e traballar na elaboración de respostas e estratexias comúns para afrontalas no futuro.
Marcha Mundial das Mulleres · Galiza
24 Maio. Día das mulleres pola paz e o desarme
Material comparativo dos custos de material bélico en relación aos custes dos servios públicos. Exposición empregada para a reivindicación no día 24 de Maio Día Internacional das Mulleres pola Paz e o Desarme.
Tribunal de acusación contra os crimes do Congo
Este texto foi elaborado para o acto realizado en Vigo pola Coordenadora Galega da Marcha Mundial das Mulleres o 17 de outubro de 2010 no marco da III Acción Internacional. Este acto foi un dos numerosos actos celebrados polas coordenadoras nacionais da Marcha Mundial en todo o mundo o día que tiña lugar o feche da III Acción Internacional en Sud Kivu – RDCongo en solidariedade coas nosas compañeiras africanas e as mulleres que sufren, no planeta, os efectos e as consecuencias dos conflictos.
Coordenadora Galega da Marcha Mundial das Mulleres.
Publicación. Dereito a decidir
Conmemorando o 28 de Maio Día Internacional de Acción pola Saúde das Mulleres a coordinadora comarcal da Coruña organizamos un ciclo de conferencias, vídeo-forum e coloquios baixo o título ‘O dereito a decidir: Situación actual e alternativas à despenalización do aborto’. Nas xornadas introducíronse temas tais como a loita polos dereitos reprodutivos e sexuais, a situación actual e redes dos COF (Centros de Orientación Familiar), os aspectos legais do dereito a decidir, e coa colaboración de mulleres representantes do asociativismo e activismo da nosa cidade xerouse un debate sobre as alternativas á despenalización do aborto.
Coa publicación destas xornadas e a súa divulgación totalmente gratuíta tanto en papel como en formato electrónico, pretendemos partillar con todas a información, debate e reflexión que xurdiu dentro da dinámica desta actividade. Consideramos que este material pode axudar a entender mellor o contexto histórico, xurídico e sanitario da actual regularización do aborto e estabelecer as bases para a discusión dentro da sociedade galega das alternativas á despenalización. Para a Marcha Mundial das Mulleres é fundamental deseñar estratexias de presión social e política e encoraxar a participación de toda a sociedade e do activismo galego nestas estratexias.
Até todas as mulleres do mundo conseguirmos a soberanía sobre o propio corpo, nós continuaremos en marcha.
