Galiza

Actualidade da Coordenadora Galega da Marcha Mundial das Mulleres

Campaña Nacional en Defensa do Dereito ao Aborto, na Sanidade Pública! EU DECIDO!

por

A Marcha Mundial das Mulleres na Galiza solicita o seu apoio na campaña ‘En defensa do dereito ao aborto, na Sanidade Pública! baseada nas seguintes reivindicacións:

Queremos:

  • Que se recoñeza o dereito fundamental das mulleres a tomar as súas propias decisións.
  • Que se garanta a soberania das mulleres sobre o propio corpo e a propia vida.
  • Que se asegure que todo o proceso de información, asesoramento e realización da interrupción voluntaria do embarazo sexa feita na Sanidade Pública, por persoal sanitario formado na perspectiva de xénero.
  • Que non exista discriminación xeográfica no aceso de todas as mulleres a este dereito nos servizos públicos.
  • Que se inclúa a educación afectivo-emocional e sexual con perspectiva de xénero no currículo escolar
  • Que os dereitos das mulleres usuarias destes servizos sexan respectados e protexidos en todo momento.

Asina en apoio da campaña premendo na imaxe da campaña ou premendo >AQUÍ<

Durante o mes de maio desenvolveranse palestras-coloquio nas diferentes comarcas con presenza da Marcha Mundial das Mulleres, nas que se presentará a publicación ‘O Dereito a Decidir: Situación actual e alternativas á despenalización do aborto’ para propiciar o debate e reflexión social sobre a necesidade dunha lei de aborto que termine coa penalizacion e criminalizacion das mulleres.

E no Domingo 31 de Maio en Compostela elaboraremos un MAIO REIVINDICATIVO conxuntamente con todas as que vos queirades achegar á praza da Quintana desde as 11 da mañá.

 

Asemblea Nacional da MMM na Galiza 2009

por

A Marcha Mundial das Mulleres na Galiza ven de celebrar esta fin de semana na Residencia de Formación de Panxón a súa Asemblea Nacional. Durante a fin de semana compartimos en Panxón os espazos de debate e reflexión cos momentos de convivencia e diversión que ao longo das dúas xornadas serviron para traballar nos acordos e debates que marcarán o traballo da Marcha Mundial das Mulleres na Galiza.

Os espazos de convivencia para potenciar un maior coñecemento entre as compañeiras e as organizacións que participan na Marcha Mundial das Mulleres na Galiza serviron para compartir visións, valores e momentos de reflexión en torno ao proxecto común así como para coñocernos máis e mellor. Os espazos de debate para tratar as estratexias globais de actuación da Marcha Mundial das Mulleres na Galiza e afortalar a acción e o traballo colectivo. E os momentos de festa para compartir e disfrutar da compañía das compañeiras de todos os rincóns do país.

Durante a fin de semana apresentamos tamén o video do VII Encontro Internacional da MMM na Galiza que tivo lugar en Vigo o 18 e 19 de Outubro do 2008, que en breve estará á vosa disposición na web.

A continuación tedes unha pequena galería de diferentes momentos da fin de semana:

{gallery}2009_asembleanac{/gallery}

Assembleia Nacional 2009

por

A Marcha Mundial das Mulheres juntamo-nos neste fim de semana na Residência de Formaçom em Panxóm para celebrarmos a nossa Assembleia Nacional.
Esta reuniom de organizações e mulheres individuais e independentes que constitui o nosso movimento feminista terá os seguintes objectivos:
1.Espaço para o convívio e um maior conhecimento entre as companheiras e as organizações.
2.Trajectória da Marcha Mundial das Mulheres desde a sua criaçom até a actualidade.
3.Estrategias globais de actuaçom.
4.Conclusões e acordos.
Teremos tempo para o debate e para o convívio com a realizaçom duma festa no sábado à noite em que saborearemos a receita secreta da caipirinha nacional da MMM e dançaremos com a música organizada polas nossas DJ’s Irene e Ximena.
 
Um saúdo a todas e até a sexta-feira em Panxóm!!

EU DECIDO – Aborto Libre e Gratuíto na Sanidade Pública

por

NORMA RAG

A Marcha Mundial das Mulleres na Galiza consideramos o dereito ao aborto un dereito fundamental que permite a soberanía sobre o propio corpo, garantindo a escolla dunha maternidade desexada e responsábel.

É por iso que denunciamos que hoxe, igual que hai 23 anos, se continua a limitar a liberdade individual e a toma de decisións das mulleres, considerando o dereito ao aborto como delito e regulándoo no Código Penal con apenas tres supostos despenalizados.

Denunciamos que a interrupción voluntaria do embarazo non é aínda unha prestación universal por dereito devido à falta de coordenación e infraestruturas dos servizos sanitarios e por causa da obxección de conciencia na Sanidade Pública que está a afectar a mais do 95% das mulleres que legalmente se acollen aos tres supostos despenalizados.

Tamén denunciamos que a actual regulación do dereito ao aborto permite a intromisión na intimidade e vida privada das mulleres e a indefensión das e dos profesionais que practican interrupcións voluntarias do embarazo, como puidemos evidenciar no acontecido nas clínicas de saúde sexual e reprodutiva en Madrid e Barcelona a finais de 2007 e comezos do 2008, onde moitos dos abortos que se practican son derivados da Sanidade Pública.

E así mesmo denunciamos os grupos conservadores e a xerarquía da Igrexa Católica, que continúan a cuestionar e criminalizar as mulleres coa única intención de reforzar e perpetuar a sociedade patriarcal e manter a desigualdade entre mulleres e homes. Para estes grupos colocar as mulleres nunha posición de submisión social e vulnerabilidade legal é fundamental para consolidar o seu modelo de sociedade desigualitaria e machista.

Desde a Marcha Mundial das Mulleres consideramos que avanzar no recoñecemento do dereito ao aborto é unha necesidade social, e pedimos unha lei de aborto:

  • que recoñeza o dereito fundamental das mulleres a tomar as súas propias decisións
  • que garanta a soberanía das mulleres sobre o propio corpo e a propia vida
  • que asegure que todo o proceso de información, asesoramento e realización da interrupción do embarazo sexa feito na Seguridade Pública, por persoal sanitario formado na perspectiva de xénero
  • que non exista discriminación xeográfica no aceso de todas as mulleres a estes servizos
  • que se inclúa a educación afectiva-emocional e sexual con perspectiva de xénero no curriculum escolar
  • que os dereitos das mulleres usuarias destes servizos sexan respectados e protexidos en todo momento.

Até todas as mulleres do mundo conseguirmos a soberanía sobre o noso propio corpo, nós continuaremos en marcha.

Marcha Mundial das Mulleres na Galiza

NORMA AGAL

Na Marcha Mundial das Mulheres na Galiza consideramos o direito ao aborto um direito fundamental que permite a soberania sobre o próprio corpo, garantindo a escolha dumha maternidade desejada e responsável.

É por isso que denunciamos que hoje, igual que há 23 anos, se continua a limitar a liberdade individual e a tomada de decisões das mulheres, considerando o direito ao aborto como delito e regulando-o no Código Penal com apenas três supostos despenalizados.

Denunciamos que a interrupçom voluntária da gravidez nom é ainda umha prestaçom universal por direito devido à falta de coordenaçom e infra-estruturas dos serviços sanitários e por causa da objecçom de consciência na Sanidade Pública que está a afectar mais de 95% das mulheres que legalmente se acolhem aos três supostos despenalizados.

Também denunciamos que a actual regulaçom do direito ao aborto permite a intromissom na intimidade e vida privada das mulheres e a falta de defesa das e dos profissionais que praticam interrupções voluntárias da gravidez, como pudemos evidenciar no acontecido nas clínicas de saúde sexual e reprodutiva em Madrid e Barcelona em finais de 2007 e começos de 2008, onde muitos dos abortos que se praticam som derivados da Sanidade Pública.

E igualmente denunciamos os grupos conservadores e a hierarquia da Igreja Católica, que continuam a questionar e criminalizar as mulheres com a única intençom de reforçar e perpetuar a sociedade patriarcal e manter a desigualdade entre mulheres e homens. Para estes grupos colocar as mulheres numha posiçom de submissom social e vulnerabilidade legal é fundamental para consolidar o seu modelo de sociedade desigualitária e machista.

Desde a Marcha Mundial das Mulheres consideramos que avançar no reconhecimento do direito ao aborto é umha necessidade social, e pedimos umha lei de aborto:

  • que reconheça o direito fundamental das mulheres a tomar as suas próprias decisões
  • que garanta a soberania das mulheres sobre o próprio corpo e a própria vida
  • que assegure que todo o processo de informaçom, assesoramento e realizaçom da interrupçom da gravidez seja feito na Segurança Pública, por pessoal sanitário formado na perspectiva de género
  • que nom exista discriminaçom geográfica no acesso de todas as mulheres a estes serviços
  • que se inclua a educaçom afectiva-emocional e sexual com perspectiva de género no curriculo escolar
  • que os direitos das mulheres utentes destes serviços sejam respeitados e protegidos em todo momento

Até todas as mulheres do mundo conseguirmos a soberania sobre o nosso próprio corpo, nós continuaremos em marcha.

Marcha Mundial das Mulheres na Galiza

Actividades do 8 de Marzo 2009

por

O pasado 8 de Marzo, Día Internacional das Mulleres, a Marcha Mundial das Mulleres na Galiza realizou concentracións en distintas cidades da nosa xeográfía baixo o lema “As Mulleres Traballamos, As Mulleres Contamos: Non solucionaredes a crise a costa dos nosos dereitos”. Aquí tedes algunhas crónicas e as imaxes do que sucedeu:

Coruña:

Co galo do 8 de Marzo, a Coordenadora Comarcal da Marcha Mundial das Mulleres da Coruña ven de organizar unha serie de actos que neste ano, e no espíritu da Declaración da Asambleia de Mulleres realizada no FSM de Belém, se encadran na denuncia contra o modelo de desenrolo capitalista, responsábel pola crise que afecta a todo o planeta, e que ten na opresión das mulleres unha das súas bases de sustento. Denunciamos as respostas superficiais á crise que só xeneran máis concentración de riquezas e reprodución do sistema capitalista patriarcal.

O domingo, 08 de Marzo, organizamos unha concentración no Obelisco da Coruña na que se sumaron varios centos de persoas. Durante esta concentración “colgamos” os trapos suxos do actual sistema capitalista patriarcal que rachamos para sustituilos polas alternativas que nós, como mulleres, reafirmamos para o mundo que queremos construir a partir do feminismo, libre de explotación, desigualdade e discriminación, sen violencia e sen racismo.

Esiximos cambios que melloren as nosas condicións de vida e conquisten e consoliden os dereitos que nos son negados.

AS MULLERES TRABALLAMOS, AS MULLERES CONTAMOS
NON SOLUCIONAREDES A CRISE A COSTA DOS NOSOS DEREITOS.

{gallery}2009_8marzo/corunha/8m{/gallery}

Ferrol:

Mais de 500 personas na manifestación organizada por la Marcha Mundial das Mulleres en Ferrolterra.

Mais de 500 persoas acudiron á manifestación convocada en Ferrol, no Dia Internacional das Mulleres, que tivo como eixo central a situación das mulleres na crise económica. Partiu ás 12:30 da Praza Amada García, enchendo con consignas reivindicativas as rúas do centro da cidade “Non renunciamos a ser iguais”, “A igual salário igual traballo”, facendo refenecia ao direito ao aborto, con mostras de repulsa ao machismo, ao racismo, á xenofobia e a homofobia, ou denunciando “aos ladróns da banca mundial”. Tampouco faltaron cantigas reivindicativas “Mulleres somos mulleres seremos pero no paro non nos quedaremos”.

Cando a manifestación chegou aos Cantóns, comezou um acto no que interviron representantes das organizacións que apoiaban a convocatória. A representate da Secretaria da Muller da CIG, Marité Freire, debuxou a situación laboral das mulleres galegas, e denunciou que a crise económica está reforzando os roles tradicionais impedindo a conciliación da vida familiar e laboral. Animou a loitar por un novo modelo socio-económico máis xusto e solidario.

A continuación, Carmen Freire, Secretaria Xeral do Sindicato Labrego Galego, defendeu na súa intervención os direitos das mulleres labregas e apuntou que frente ás multinacionais e os governos que as sustentan, depredadoras dos recursos do planeta, a Soberania Alimentaria é un dereito dos povos que asegura o dereito básico aos alimentos e a protección do medio ambiente. “Se queren solucionar a crise que presten oido ás voces das mulleres e dos movimentos sociais que decimos que este modelo económico está acabado” Anxela Lagoa da USTG, valorou moi positivamente a participación na Marcha Mundial das Mulleres e fixo lectura do comunicado elaborado pola Asamblea de Mulleres do Foro Social Mundial celebrado en Brasil o pasado mes de Xaneiro. Paula López e Bárbara Primo, deron lectura ao comunicado da Marcha rematando as intervencións con vivas á loita feminista e coreando o lema da mobilización “As mulleres traballamos, as mulleres contamos! Non solucionaredes a crise a costa dos nosos dereitos!”

{gallery}2009_8marzo/ferrol{/gallery}

Compostela:

Este domingo 8 de marzo xuntamonos en Compostela máis de 200 mulleres convocadas pola Marcha Mundial das Mulleres e secundada por diferentes colectivos e  organizacións. O motivo foi a celebración do Día Internacional da Muller e este ano tiña como lema: “As mulleres traballamos, as mulleres contamos”. Enmarcada no contexto da crise económica e financieira, as mulleres quixeron deixar claro a institucións e entidades que “non solucionaredes a crise a costa dos nosos dereitos”.

A manifestación comezou na Praza do Toural, e continuou por Virxe da Cerca para rematar na Praza do 8 de Marzo. Neste recorrido entonáronse diferentes consignas e cánticos da luita feminista (como son o aborto libre e gratuito ou  a repartición do traballo doméstico), pero deuselle especial importancial á crise económica e ás súas consecuencias laborais para a muller (paro, precariedade laboral, diferencias salariais…).

Na Praza do 8 de Marzo, Pili Estévez da MMM liu un manifesto no que se trataba de visibilizar a muller na crise, e cales son as demandas do feminismo ante ésta. Tras a súa lectura convidouse a todas e todos os que alí estaban á Gentalha do Pichel, onde había festa-xantar.

Video da Manifestación (A Nosa Terra)

Video de Manifestación (GZVideos.info)

{gallery}2009_8marzo/compostela/8m{/gallery}

Vigo:

Video da Manifestación (GZVideos.info)

{gallery}2009_8marzo/vigo{/gallery}

Pontevedra:

Os actos en Pontevedra celebráronse o sábado 7 de marzo: ás 11 da mañá colocamos a pancarta na praza “8 de marzo dia internacional das mulleres”, esta é a praza na que a Marcha Mundial das Mulleres realizamos todos os actos. Ás 5 da tarde comezamos a decorar a praza con bandeiras da Marcha, puxemos a mesa de material de venta e colocamos o material para realizar o oradoiro. Este ano esquecéusenos poñerlle título ao obradoiro. Pintamos o símbolo da Marcha co mundo no seu interior e ao longo da tea siluetas de mulleres ,as mulleres eran de diferentes cores simbolizando a variedade e diversidade. A partir de aqui as persoas que pasaban pola praza e que convidabamos a participar escribían dentro das siluetas os valores, feitos, accións coas que conseguimos avanzar, empoderarnos e conquistar, e fora das siluetas os valores , accións, institucións, realidades que nos seguen invisibilizando, explotando, discriminando. Participaron neste obradoiro moitas persoas e sobre todo moita mocedade, pasaban grupos de rapazas e rapaces que se animaban a pensar, crear e escribir. Esta praza está moi concorrida e nesas dúas horas de duración do obradoiro puideron pasar tranquilamente mil persoas.

Ás 8 da tarde tivemos concentración na que actuaron gaiteiras, pandereteiras e tambolireiras da escola de música tradicional de Poio, tamén se fixo a leitura do manifesto da Marcha Mundial das Mulleres, estaríamos na concentración case unhas cento cincoenta persoas. Ás 10 da noite tivemos cea de mulleres, este ano fumos cincoenta, e ás 12 da noite  tivemos festa mixta.

Ourense:

En Ourense as mulleres da Marcha Mundial organizamos un acto simbólico no que, vestidas de sufraxistas e diferentes profesións, reclamamos a igualdade salaria, un traballo digno para as mulleres, o acceso das mulleres ao emprego en condicións de igualdade e que a crise non a paguemos as mulleres con recortes nos nosos dereitos sociais e laborais.

{gallery}2009_8marzo/ourense{/gallery}

Charla sobre a Crise na Coruña:

O sábado, 07 de Marzo, celebramos un videoforum coa proxección da curtometraxe “Aguantando el tipo”, que relata a loita das mulleres da multinacional Jaegel-Magneti de Barcelona nos anos 80, reclamando que polo traballo que estaban a realizar, exactamente igual que os homes, lles aplicaran tamén igual salario.

Contamos para este videoforum coa participación de Carme López Santamariña, Secretaria de Muller da Confederación Intersidical Galega (C.I.G.) e con Hortensia, muller uruguaia residente na Coruña que explicou a problemática das mulleres inmigrantes diante da crise que estamos a sufrir.

{gallery}2009_8marzo/corunha/crise{/gallery}

Xantar en Compostela:

Tras a lectura do comunicado convidouse a todas e todos os asistentes a participar na Gentalha do Pichel a unha festa-xantar organizada pola Cordenadora Local de Compostela. Aproximadamente unhas 100 mulleres xuntáronse na Gentalha.

É de agradecer o ben que nos tratou a xente do Pichel, que incluso nos agasallou con unha laconada.

{gallery}2009_8marzo/compostela/xantar{/gallery}

 

Eco nos Meios:

– Cara ao 2020 con máis dereitos e mellor asentados.

– Máis de 300 persoas piden en santiago que a crise non se ensañe coas persoas.

– Máis de mil persoas reivindican “melloras nas condicións de vida das mulleres”.

– As marchas do 8 de marzo centranse na crisis e o paro.

– As viguesas mobilízanse para que a crise non as perxudique máis a elas.

– Centenares de galegos se mobilizan para exixir un “papel activo” da muller na loita contra a crise.

– Un papel máis activo no mundo laboral.

– As mulleres piden que non se solucione a crise a costa dos seus dereitos.

– Non solucionaredes a crise a costa dos nosos dereitos.

Actividades da MMM no FSM 2009

por

O Foro Social Mundial 2009 terá lugar do 27 de xaneiro até o 1 de febrero en Belém de Pará, Brasil, pero as actividades da Marcha van comezar o 26 de xaneiro. Mulleres de Brasil, Nepal, Turquía, África do Sur, A República democrática do Congo, Portugal, Cabo Verde, Mozambique, Venezuela, Cuba e Argentina van apresentar os diferentes talleres que a Marcha propón.

PROGRAMACIÓN:

1). 26 de xaneiro, 6:00 p.m.: Reunión de preparación da Asemblea de movimentos sociais. Lugar: Sindicato dos Bancarios do Pará e do Amapá, rua 28 de Setembro, 1210.
2). 27 de xaneiro, 1:00 p.m.: Encontro de benvida as militantes da Marcha na escola onde a delegación brasileira estará hospedada. Lugar : Escola Estadual Paes de Carvalho, rua Saldanha Marinho, Praça da Bandeira/Comércio cerca de Ver-o-Peso.

3). 28 de xaneiro, 3:30-6:30 p.m.: Actividade de apresentación da acción 2010.
Lugar: Carpa dos Pobos sen Estado:
– Contexto mundial desde unha perspectiva feminista
Representante da rexión amazónica (portugués)
Sarita, Nepal (inglés)
Yidiz, Turquia (inglés)
– Cómo construimos a Marcha como movimento permanente en resposta a este contexto.
Representante brasilera (portugués)
Wilhelmina, Africa del Sur (inglés)
Representante latinoamericana
– Batucada, cancións
– Apresentación de contidos da acción 2010 e outras
– Formas de acción
Reprsentante brasilera que tratará da organización da Marcha
Adèle, República Democrática do Congo (francés)

4). 30 de xaneiro, 8:30 a.m. até as 12:00 p.m.: Mulleres e crise financeira, loita imperialista e solidariedade internacional, por Wilhelmina. Actividades serán organizadas pola Federación democrática internacional das mulleres (FDIM). Mulleres de Portugal, Cabo Verde, Mozambique, Venezuela, Cuba e Arxentina van participar no panel de discusión.

5). 31 de xaneiro, 12:00-3:00 p.m.: A ilegalidade do aborto ameaza a vida das mulleres. Participantes: Frente contra a criminalización das mulleres e para a legalización do aborto; Articulación de mulleres brasileiras; Articulación de mulleres negras do Brasil; Dia brasileiro para o aborto legal e seguro; Liga brasileira de lesbianas; Marcha mundial das mulleres; Red e feminista da saúde, dereitos sexuais e reprodutivos; Secretariado nacional da muller traballadora da Central única de traballadores (CUT); Unión brasileria de mulleres; Unión nacional dos estudantes.

Máis información na Web Internacional da MMM.

Todas somos Palestina

por

Nen guerra que nos mate, nen paz que nos oprima

A Marcha Mundial das Mulleres formou parte das organizacións convocantes e participou con comitiva propia o pasado Domingo 18 de Xaneiro na manifestación nacional en apoio ao pobo palestino baixo un manifesto conxunto para exixir:

  • Que se impulsen políticas activas de solidariedade en favor de Palestina.

  • Que a Xunta de Galicia se pronuncie contra Israel e a favor do pobo palestino.

  • Que se declaren á embaixada e o Goberno Israelí non gratos en todo o territorio galego no seu conxunto; e concello por concello,

  • E que os medios de comunicación e a prensa internacional informen con imparcialidade e non a favor do sionismo .

Dende a Marcha tentamos dar voz ás nosas compañeiras palestinas a través das súas imaxes que levamos na nosa comitiva co gallo de facelas presentes na mobilización como xa o están sempre no corazón de todas nós.

Eis unhas imaxes da nosa participación en favor da paz e en defensa dos dereitos do pobo palestino:

Eis un video da comitiva na manifestación:

Máis información sobre a repercusión desta mobilización nos meios (tirada de Galiza por Palestina):

Concentraçons em apoio da Palestina

por

‘Todos os seres humanos têm o direito de viver num mundo sem guerra e sem conflito armado, sem ocupaçom estrangeira nem base militar. Ninguem ten direito sobre a vida ou morte das pessoas ou dos povos.’

Carta Mundial das Mulheres

A Marcha Mundial das Mulheres une-se às iniciativas de apoio à Palestina participando nas concentraçons que teram lugar em diferentes localidades da Galiza.

Sexta-feira, 9 de Janeiro

Ferrol: Concentraçom às 20:00h na Praça Amada Garcia (diante do edifício da Junta da Galiza)

As Pontes: Concentraçom às 19:00 na Praça do Hospital

Ponferrada: Concentraçom às 20:30 na Praça do Concelho

Sábado, 10 de Janeiro

Ponteareas: Concentraçom às 13:00 diante do Concelho

Vigo: Manifestaçom ás 18:00 desde o cruzamento da Via Norte com Urzáiz até a Porta do Sol.

Pontevedra: Manifestaçom às 20:00 na Praça da Ferreria

Santiago: Manifestaçom às20:00 desde a Praça do Toural até a Praça do Obradoiro.

Lugo: Concentraçom ás 20:00 diante da subdelegaçom do governo.

Corunha: Concentraçom às 20:30 diante do Obelisco, nos Cantons

 

Sementando un futuro sen violencia machista

por

Manifestámonos cada vez que unha muller é asasinada no noso País.

Porque queremos que se nos vexa e se nos escoite.

 

Porque non imos permitir a continuidade dun sistema que reproduce a desigualdade e a violencia.

 

Loitamos para rematar coas agresións que sufrimos día a día; non só as agresións físicas.

 

O patriarcado e o seu aliado, o capitalismo, agrédennos de múltiples xeitos: na casa, no traballo, na rúa, nos medios de comunicación, na publicidade….coa imaxe que transmiten de nós, cos comentarios machistas que se escoitan a cotío, coa distribución de roles….

 

Queremos mudar a situación, queremos deixar claro que non somos propiedade de niguén.

 

Na MMM queremos un mundo libre de violencia. Un mundo onde toda a humanidade víva libre. Onde ningunha persoa lle pretenza a  outra.

 

Loitamos para que entre todas e todos sexamos quen de SEMENTAR UN FUTURO SEN VIOLENCIA MACHISTA.

 

Rendemos homenaxe a todas as mulleres, as desaparecidas, as que están a sufrir un inferno no seu fogar.

 

Non están soas.

Marcha Mundial das Mulleres

Foro Social Galego

por

Andei, andei… mulleres ciganas no FSGal

Foi unha das actividades máis emocionantes do foro. As mulleres ciganas teñen cousas que dicir, cousas que contar e cousas que nos enseñar, porque saber, non sabemos nada.

A Marcha Mundial cedeu a súa voz no FSGal para axudar a visibilizar a un pobo históricamente discriminado da man das súas mulleres, ciganas doces e inquedas que repasaron a súa historia, egrexia historia, os seus problemas, os seus logros e unha reivindicación clara: “non queremos integrarnos, queremos convivir, só así seremos quen de conservar os nosos costumes”. E abofé que o logran. O cigano é un pobo admirábel, sufridor si, pero orgulloso do seu. Na era da globalización, da uniformización cultural máis salvaxe, máis exterminadora de pobos, aínda é quen de protexer aquilo que lles dá o carácter dende que hai case 1000 anos emprenderan un longo camiñar dende o Punjab indio.

Lupe Ces, da Marcha Mundial das Mulleres, introducía no entanto no debate a crua realidade: “O pobo cigano fai brotar o peor das nosas sociedades, ese sentimento racista co que tamén convivimos neste país. Pasa en toda Europa, e tamén aquí, como se demostrou este verán na Galiza”. Deste xeito o Gelem, Gelem… comezou con dureza, cun vídeo estremecedor, noxento se cadra, no que o alcalde de Treviso (Italia), unha besta chamada Giancarlo Gentilini arengaba ás masas da Lliga Norte, partido de ultradereita racista que vai da man de Berlusconi, para acabar cos xitanos e xitanas: “Quero eliminar os nenos ciganos”, “Tolerancia dobre cero”, “Quero unha resolución contra os nómades”… E a besta segue ceiba, e membros do seu partido andan polo Parlamento Europeo. Unha vergoña para o vello continente e unha realidade dolorosa e arrepiante.

Fronte a isto o pobo xitano do estado español manifestouse diante da embaixada italiana, como amosou outro vídeo presentado por Lupe: “Dereitos Humanos para os ciganos!”. Milleiros de persoas ao tempo berraban, en pleno século XXI, un “liberdade!” que semellaba extraído doutrora. Mais non, era onte. Hoxe. Mañá.

Con estes antecedentes, a voz das catro mulleres que a Marcha invitou ao FSGal foi gloria divina e luz, sobre todo luz para nós, ignorantes. Son galegas, tres ciganas e unha paia, e teñen aínda que andar, andar e andar para defender coa palabra a súa realidade de pobo discriminado e odiado. Carmen Pastor, colaboradora do Instituto de Cultura Xitana, revelounos a impresionante e case épica historia do pobo cigano; Vanesa Jiménez, axente intercultural da Fundación secretariado Xitano, a súa extraordinaria cultura cimentada na solidariedade e na liberdade; Irene jiménez, tamén colaboradora da antedita fundación, falou coa súa doce voz dos problemas da xuventude e das mulleres, así como dos xitanos invisíbeis, eses que, paradoxalmente, son universitarios, avogados ou médicos e dos que ninguén fala. Por último, Marta Bueno, paia con face xitana, nómada dende cativa, debullou como foi unha e mil veces discriminada pola cor da súa pel, que a delataba como a xitana que non era.

Baixo a bandeira dos Rom (persoas), azul enriba, verde embaixo e roda de carro vermella no centro, foi, xa o diciamos, emocionante. Grande iniciativa a da Marcha, grandes as mulleres ciganas e grandes os segredos que garda o Foro Social Galego.

mais información en www.forosocialgalego.org
Facebook
Twitter
YouTube
YouTube
Instagram
Telegram