‘Mai por escolla, non por obriga’ de Dorothy Fadiman

O documental ‘Mai por escolla, non por obriga’ de Dorothy Fadiman, está dispoñible para colectivos, asociacións ou individuas que precisen de material para xenerar debate sobre a despenalización do Aborto no Estado Español, ou simplemente para o seu visionamento interno..

O filme de 27 minutos foi proxectado o pasado 28 de Maio nas xornadas da MMM da Corunha ‘O Dereito a Decidir: Situación Actual e Alternativas á Despenalización’.

Por petición da propia directora ofrecemos este documental que narra a historia dos dereitos das mulleres a decidir sobre o seu corpo e o dereito à saúde, nos EEUU.

Para mais información e para pedir o DVD podedes contactar coa Marcha Mundial das Mulleres da Corunha no marchacorunha@gmail.com, ou descargar o documental directamente en http://ia360921.us.archive.org/2/items/motherhood_by_choice_fadiman_2004_spanish/, onde o poderedes atopar en diferentes formatos (DVD, MPG, mp4…)

Comité Internacional da MMM en Sâo Paulo

 Entre os días 1 e 5 de maio tivo lugar en Sâo Paulo (Brasil) a última xuntanza do Comité Internacional da MMM. Ao mesmo acudiu unha delegada da Coordenadora Galega, convidada especialmente para informar e debatir sobre o VII Encontro Internacional que se realizará no mes de outubro en Vigo, e no que participarán representantes de aproximadamente 40 países de todo o mundo. 

Ao Comité Internacional acudiron delegadas representantes de todas as rexións e leváronse a cabo debates e postas en común nos catro campos de acción do Plano Estratéxico da MMM: violencia contra as mulleres, paz e desmilitarización, traballo das mulleres e ben común e acceso aos recursos. Ademáis serviu para perfilar o que será a nosa acción mundial do 2010.

No Comité Internacional de Sâo Paulo foi aprobado o programa e as actividades a realizar no marco do VII Encontro Internacional que podedes consultar nesta mesma páxina web.

 

YouTube
YouTube
Instagram
Telegram