// Compostela: sentada o 25N convocada por URXE! e Xuntxs por políticas

Comunicado en apoio á sentada convocada por URXE! e Xuntxs por políticas o 25N en Santiago de Compostela.

A USC leva anos branqueando a violencia patriarcal no seo da súa institución.

Centos de alumnas vense inmersas en situacións de acoso, abusos e agresións nas súas aulas, por parte de compañeiros e profesorado sen que a institución que ten obriga de ofrecerlles espazos seguros, a USC, se manifeste e posicione contra tales violencias, tomando medidas contra elas.

As mulleres accedemos a unha universidade pública onde somos constantemente violentadas sen que tales actos teñan consecuencias. Debemos seguir compartindo espazos cos nosos abusadores e agresores, ou decidir abandonar os nosos estudos e vida para resgardarnos nun espazo seguro onde non sintamos continuamente medos que coartan as nosas liberdades de ser e estar. Porén, eles seguen impunes, nos mesmos espazos, onde seguirán acosando, abusando e agredindo a outras compañeiras.

É por todo isto, que as organizacións estudantís URXE! e Xuntxs por políticas da USC están a convocar unha sentada para o vindeiro 25N, Día internacional contra a violencia de xénero, diante de dita facultade e en dous tramos horarios (12:00 – 13:00h e 17:00 – 18:00h).

Reclámase que:

– A USC sexa un espazo seguro onde todas e todos poidamos disfrutar dunha docencia de calidade e segura.
– As persoas agresoras deixen de gozar de impunidade como até o de agora.
– A seguridade e comodidade de todas as alumnas nas súas aulas.

Dende a Marcha Mundial de Mulleres da Galiza queremos mostrar todo o noso apoio e solidariedade coa mobilización convocada e coas mulleres vítimas desta violencia patriarcal na USC, animando a todas aquelas que poidan a participar nesta sentada e mobilizarnos unha vez máis polos nosos dereitos, polas nosas vidas. Ver menos

Encontro en Compostela!

A vindeira cuarta feira, día 28 de abril, a Marcha Mundial das Mulleres convídate a participar nun encontro aberto que terá lugar na Gentalha do Pichel ás 19h, no que poderás coñecer o que é a MMM e os seus obxectivos, como nos organizamos e todas aquelas cuestións que sempre quixeches saber sobre a Marcha e nunca te atreviches a preguntar 😄

Ademais, desfrutaremos da poesía de Arancha Nogueira.

Podes traer a túa merenda!

E todo isto, de xeito seguro, coas distancias e medidas precisas pola pandemia.

Se che apetece participar, vémonos o mércores ás 19h na Gentalha do Pichel, mais se non podes achegarte, tamén tés a posibilidade de participar virtualmente. Anótate enviándonos un correo a mmmcompostela@gmail.com

YouTube
YouTube
Instagram
Telegram