Irene León, Lidia Senra e Esther Vivas, entre outras, participarán no Foro de Soberania Alimentaria

Lidia Senra, labrega e feminista, naceu na Pobra de Brollón (Lugo) no ano 1958 e comezou con dezasete anos a militar nos Comités de Axuda á Loita Labrega. Ocupou a secretaría xeral do SLG ao longo de 18 anos, pasando a ser a única muller que ocupou a máxima responsabilidade nunha organización agraria no Estado Español e unha das poucas que o fixo na Unión Europea.Lidia tamén foi membra da Executiva da Coordinadora Labrega Europea (CPE), que agrupa a 23 organizacións agrarias de Europa; e, na actualidade, é a representante por Europa na Comisión de Mulleres da Vía Campesina.