Aliadas - Marcha Mundial das Mulleres

As nosas aliadas

Amigas da Terra é unha das organizacións aliadas da Marcha Mundial das Mulleres a nivel mundial. Tamén na Galiza traballamos con elas en diferentes accións e convocatorias.

Coas compañeiras de BDS traballamos visibilizando a loita das mulleres Palestinas, organizando actividades e acompañando e apoiando o magnífico traballo que realizan.

Galegas 8M é a plataforma galega na que participamos en torno da organización do 8M dende o ano 2018. Un espazo galego de autoorganización do feminismo.

Co Comité Galego de Solidariedade Mar de Lumes traballamos na visibilidade da loita das mulleres feministas doutros pobos e territorios. Apoiando ademáis as campañas internacionalistas e antiimperialistas que as compañeiras poñen en marcha.

Moitas das nosas activistas son tamén parte das Batucadas Feministas que Tamborililás puxo en marcha da Galiza. Inspiradas nas nosas irmás do Brasil os tambores son parte da nosa loita.

Colectivo dos e das traballadoras dos medios públicos galegos. En defensa da TVG e a Radio Galega. Correo de contacto: venresnegrocrtvg@gmail.com

Vía Galega é unha plataforma social en defensa dos dereitos nacionais de Galiza, creada en 2018 a partir da xuntanza de máis de 40 entidades de diferentes tipos e eidos: do sindical ao cultural, do ambientalista ao educativo, dos centros sociais ao campo estudantil, pasando polo internacionalismo, a música popular, a memoria histórica, etc.

A Plataforma Galiza con Catalunyaestá constituída por diversas organizacións sociais, sindicais, culturais e políticas galegas que recoñecen o dereito de autodeterminación dos pobos e que apoian o proceso de independencia do pobo catalán, denunciando a violencia exercida polo Estado español neste caso e no do resto de pobos que loitan pola ruptura democrática en chave soberanista e independentista.

Organizacións coas que traballamos en diferentes ámbitos e que son para nós referenciais nos campos nos que traballan.

As nosas aliadas

contactos coa marcha

Queres recibir información?