Este 8 de Marzo sae á rúa con nós! Mulleres galegas en loita polos nosos dereitos!
Manifestacións/Concentracións/Actividades do 8 de Marzo:
Santiago de Compostela
20.00h Praza do Toural
Ourense
19:00h Rúa do Paseo
Vigo
20.00h Praza de Portugal
Ferrolterra
20.00h Cantón de Molíns
A Coruña
20.00h Praza de Ourense
Hai moitos motivos para saír á rúa! [ Manifesto da Marcha Mundial das Mulleres ]
Que está pasando?
A estafa que chaman crise económica, xunto a gobernos que lexislan contra os dereitos acadados polas mulleres afianzan o machismo e a desigualdade.
O mundo que temos
-Os recortes sociais, as reformas laborais e das pensións, a privatización dos servizos públicos afondan na situación de desigualdade que ocupan as mulleres no mundo laboral e na sociedade en xeral.
-Converten outra vez o aborto nun delito, restrinxen o aceso a anticonceptivos como a “píldora do día despois”, eliminan os tímidos avances en educación como foi a implantación da asignatura “Educación para a cidadanía”, son as lindes que os gobernos do PP queren poñer á nosa liberdade e aos nosos dereitos.
-Os avances en políticas de igualdade dos últimos anos están sendo demolidos. Desaparecen o Servizo Galego de Igualdade, os Centros de Información á Muller… Aínda que a violencia machista segue matando, redúcense os orzamentos e servizos de atención ás vítimas.
-A privatización, eliminación e encarecemento de servizos públicos como escolas infantís, comedores escolares imposibilitan a conciliación da vida laboral e familiar.
-Xornadas laboráis prolongadas; longas e infrutuosas búsquedas de emprego, recorte asistencial a depencencias… Están recluíndo forzosamente ás mulleres no espazo doméstico con perda de independenza económica e dereito a prestacións.
-Empodérase á lerarquía católica e organización integristas como ProVida ou Red Madre, promulgando a lei malchamada de Apoio á Familia e a Convivencia, e trátasenos ás mulleres como cidadás sen plenos dereitos.
-Acentúanse os movementos migratorios entre as mulleres. As que veñen atópanse con dereitos recortados, e as que están, sobre todo mulleres mozas, vense obrigadas a emigrar para conseguilos noutros países.
-Hai avances que non se consolidan, como o das labregas ao aceso á cotitularidade da explotacións, e outros que se aplican sen ter en conta as singularidades das mulleres afectadas como é o caso da nova regulación do servizo doméstico.
O mundo que queremos
– Esiximos: Respeto polos nosos dereitos sexuais e reproductivos. O dereito ao control dos nosos corpos, garantindo o dereito ao aborto gratuíto na sanidade pública
-Esiximos: o dereito a unha atención especializada á saúde das mulleres na sanidade pública, que sexa gratuíta e de carácter universal.
– Esiximos: servizos públicos e medidas que permitan compatibilizar a vida persoal, familiar e laboral, tanto aos homes como ás mulleres.
-Esiximos: accións dirixidas a eliminar as desigualdades salariais, a temporalidade, a precariedade dos traballos feminizados e a sobreexplotación. Creación de emprego público.
– Esiximos: manter, mellorar e ampliar os servizos públicos que dean cobertura ás necesidades de coidados de familiares e persoas a cargo. Dereitos reais para as empregadas domésticas.
– Esiximos: políticas integrais para a eliminación da violencia machista, con recursos públicos suficientes. Acabar co tráfico de persoas.
– Esiximos: Ensino público, gratuito, non sexista, igualitario e de calidade, que garanta unha educación nos valores da igualdade, da paz, da xustiza e da solidariedade. Dereito á coeducación.
– Esiximos: prestacións sociais e pensións dignas para todas. Acción positiva para evitar as desigualdades na cuantía derivadas de situacións de discriminación no momento da cotización.
– Esiximos: políticas laborais , agrarias, alimentarias, fiscais e sociais en función das necesidades da cidadanía, que frenen a emigración da mocidade con accións positivas que poñan fin á discriminación das mulleres.