MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Lançamento III Acçom Internacional da Marcha Mundial das Mulheres

Martes, 09 Marzo 2010 20:11 Marcha Mundial das Mulleres na Galiza
Correo-e Imprimir PDF
No 2010, umha vez máis, nosoutras - mulheres da Marcha Mundial das Mulheres dos cinco continentes - estaremos em marcha. Imos marchar para demonstrar a nossa perseverança e a nossa força como mulheres colectivamente organizadas com distintas experiências, culturas políticas e origens étnicas, mas que tenhem umha identidade e objectivo comum: o desejo de superar a injusta ordem atual que provoca a violência e pobreza, e construir o mundo que queremos baseiado na paz, a justiça, a igualdade, a liberdade e a solidariedade.
PROGRAMA:
16:30-17:45hrs - Chegada de comboio a Compostela desde todas as localidades.
18:00hrs: Marcha reivindicativa desde a Estaçom de Comboios até a Praça de Cervantes.
18:30hrs: Festa na Praça de Cervantes, com a atuaçom de CHURRA E MERINA SUPERVEDETTES.
MULHERES EM MARCHA ATÉ QUE TODAS SEJAMOS LIVRES!!!
Modificado o ( Martes, 09 Marzo 2010 20:13 )
 

CEN ANOS LOITANDO, CEN ANOS CREANDO - 8 de Marzo Día Internacional das Mulleres

Luns, 01 Marzo 2010 21:14 Administradora
Correo-e Imprimir PDF

Durante a II Conferencia Internacional das Mulleres Socialistas, celebrada en Copenhague, en agosto do ano 1910, Clara Zetkin conseguiu que se aprobase a Celebración do Día Internacional da Muller, data que se consolidou posteriormente no día 8 de marzo.

Durante estes cen anos, o 8 de marzo serviu para visibilizar as loitas e as demandas feministas, loitas pacíficas que significaron importantes avances na vida de millóns de mulleres, creando novas formas de pensamento e acción, propoñendo e construíndo un novo modelo de relacións sociais.

Mais, cen anos despois, as mulleres seguimos tendo que reivindicar o evidente.

No ano do centenario do 8 de marzo, as mulleres da Marcha Mundial das Mulleres dos cinco continentes, facemos un chamamento a "marchar" para demostrar a nosa perseveranza e a nosa forza colectiva, con distintas experiencias, culturas políticas e orixes étnicas, pero compartindo sempre un obxectivo común: o desexo de superar a inxusta orde actual que provoca a violencia e pobreza, e constituír o mundo que queremos baseado na paz, a xustiza, a liberdade, a igualdade e a solidariedade.

Convócase a toda a cidadanía a participar nos actos que as diferentes coordinadoras comarcais da MMM van realizar en celebración do Día Internacional das Mulleres

Adxúntase cartaz da convocatoria e comunicado completo da Marcha Mundial das Mulleres.
Máis información en www.feminismo.info

ACTOS DA MARCHA MUNDIAL DAS MULLERES na GALIZA

Ourense
Luns, 8 de Marzo
Obradoiro ás 17:30 hrs.
Praza Maior

A Coruña
Luns, 8 de Marzo
Festa de celebración do movemento feminista

de 12:00hrs ás 20:30hrs
Praza das Conchiñas

Vigo
Luns, 8 de Marzo
Manifestación ás 20:00 hrs.
Desde a Praza de Portugal

Compostela
Luns, 8 de Marzo
Manifestación ás 20:30 hrs.
Desde a Praza do Toural

Ferrolterra
Luns, 8 de Marzo

Concentración ás 20:00 hrs.
Cantón de Molíns (Ferrol)

Pontevedra
Luns, 8 de Marzo
Concentración ás 20:30 hrs.
Praza 8 de Marzo

[ Descarga aquí o MANIFESTO 8Marzo ]

Modificado o ( Luns, 01 Marzo 2010 21:25 )
 

Xornadas Galegas de Soberanía Alimentar

Sábado, 20 Febreiro 2010 13:13 Marcha Mundial das Mulleres na Galiza
Correo-e Imprimir PDF

 

 

Modificado o ( Sábado, 20 Febreiro 2010 13:22 )
 

Por un Haití Libre e Soberano!

Luns, 15 Febreiro 2010 22:43 Marcha Mundial das Mulleres na Galiza
Correo-e Imprimir PDF

No marco da alianza do Jubileo Sur, Via Campesina, Marcha Mundial das Mulleres e outros movementos sociais, construímos unha posición común para presentar na reunión dos ministros dos países doantes realizada en Montreal, o pasado luns 25 de Xaneiro.

PAÍSES DOANTES, SEXAN VERDADEIRAMENTE SOLIDARIOS: reconstrución coas haitianas e os haitianos

Despois do terremoto, miles de persoas manifestaron a súa solidariedade con Haití co envío de xenerosas doazóns e coa demanda de accións aos seus gobernos.

Constatamos con alivio que a axuda de urxencia está organizada e que a comunidade internacional procura un plan de reconstrución. No entanto, apelamos á vixilancia para que a soberanía do pobo de Haití e o dereito das mulleres sexan respectados.

A Federación de Mulleres do Quebec e a Casa de Haití acreditan que un plan de reconstrución ten que ser pensado nunha perspectiva de durabilidade. Con isto, apelamos aos gobernos e ás organizacións reunidas no marco da conferencia dos países doadores a ter unha real solidariedade co pobo de Haití.

Estaremos presentes para que estes países estean involucrados en:

  • Asociar e incluír ás mulleres nos proxectos de reconstrución, porque elas son os piares da vida social e política do país.
  • Ter unha atención especial co tema da violencia contra as mulleres e as nenas, nunha situación na cal existe unha maior vulnerabilidade por un clima de inseguridade. Con isto, é clave que as axudas humanitarias estean alerta e o teñan en conta para as súas intervencións.
  • Anular inmediatamente e de xeito incondicional a débeda externa de Haití.
  • Non conducir a Haití a un novo endebedamento. Os recursos destinados á axuda e á reconstrución de Haití teñen que ser doazóns e non empréstamos.
  • Reafirmar o dereito á soberanía de Haití. A axuda de urxencia e os plans de reconstrución non deben de relacionarse con ningunhas condicións, nin estar ao servizo dos intereses dos países doantes.
  • Incluír a soberanía alimentaria no plan de reconstrución e recoñecer a implicación das mulleres.
  • Afrouxar as regras de migración e facilitar a reunificación das familias.

Precisamos de vostedes para facer circular esta mensaxe de solidariedade aos países doantes.

Descarga aquí o

[ Chamado a acción de Quebeque aos gobernos e organizacións reunidas en Montreal ante a situación en Haití ]

Modificado o ( Xoves, 18 Febreiro 2010 11:38 )
 

Falecemento de dúas compañeiras da Marcha Mundial das Mulleres en Haití

Luns, 18 Xaneiro 2010 16:17 Marcha Mundial das Mulleres na Galiza
Correo-e Imprimir PDF

Chegounos a tráxica nova do falecemento no terremoto en Haití das nosas compañeiras Magalie Marcellin do Kayfanm e Myriam Merlet, militante feminista e actual encargada do Ministerio para as Mulleres. Que os seus familiares e amigos reciban os nosos pensamentos e solidariedade.

Unha excelente nova é que as nosas compañeiras de SOFA (un dos grupos que fai parte da CN de Haití) están todas ben. A sua oficina está bastante danada, mais ningunha delas foron feridas.

A nosa solidariedade feminista para todo o pobo Haitiano.

 

III Acción Internacional da Marcha Mundial das Mulleres!!

Mércores, 23 Decembro 2009 00:21 Marcha Mundial das Mulleres na Galiza
Correo-e Imprimir PDF

As accións internacionais son momentos para fortalecer a nosa identidade como movemento. Estar en marcha expresa a idea de seguir libremente, sen coaccións ou impedimentos, para expresar a forza das mulleres organizadas de forma colectiva, en asociacións, grupos, movementos, con experiencias, culturas políticas e etnias diferentes, mais que teñen unha identidade común: superar a actual orde inxusta, que provoca a violencia e a pobreza. Tamén expresa a nosa solidariedade internacional e o facto de que estamos alertas ao que pasa ás nossas compañeiras noutras partes do mundo.

No 2010, faremos as nosas voces seren ouvidas aínda con mais forza entre os dias 8 de marzo e 17 de outubro en todo o mundo. As nosas accións mundiais serán organizadas en dous momentos de maior énfase:

  • periodo entre o 8 e 18 de marzo, con marchas de diferentes tipos, formas, cores e ritmos, nas rexións, que marcarán tamén o centenario da Declaración do Dia Internacional das Mulleres;
  • marchas e accións simultaneas no dia 17 de outubro con un punto de encontro internacional en Sud Kivu, Congo, como forma de fortalecer o protagonismo das mulleres na resolución de conflictos.

Cómo participar?

Ao longo do 2010, están previstas diversas accións locais, nacionais e europeas como parte da construcción global da mobilización da Marcha Mundial das Mulleres. Algunhas das actividades previstas na Galiza son:

  • Marchas reivindicativas nas diferentes localidades da Galiza do 8 ao 18 de marzo.
  • Accións ao redor dos campos de acción da MMM: Ben común, violencia contra as mulleres, paz e antimilitarismo e/ou muller e traballo.
  • Obradoiros de batucada feminista e construcción das bonecas "As Marchantas".
  • Mobilización europea pola paz e antimilitarismo en Istambul en Xuño.
  • Apoio e difusión da acción internacional da MMM na República Democrática do Congo en Outubro

    

          

[ Descarga a volantina en RAG ou AGAL ]

As organizacións, colectivos ou mulleres individuais que se queiran unir á preparación da Acción 2010 poden entrar en contacto connosco en 

marchagaliza@gmail.com

+ 34 671 695 968

www.feminismo.info

MULLERES EN MARCHA ATÉ QUE TODAS SEXAMOS LIBRES!

Modificado o ( Mércores, 23 Decembro 2009 01:36 )
 
Máis artigos...
Páxina 1 de 18

Publicacións:

Campaña:

Banner Apoio:


Coloca un na túa páxina web !

Descargas:

Organizacións que integran a MMM:

proximamente

Quen está en liña?

Temos 8 convidadas en liña