En toda Galiza o feminismo berra Verín Non Se Pecha!

O mércores 4 de decembro o feminismo galego convocou 14 mobilizacións no país en sororidade coas mulleres de Verín. Dende a Coordenadora Galega da Marcha Mundial das Mulleres lanzamos un chamamento ao que se sumaron colectivos como AMica, Azos feministas, A Plataforma Feminista de Lugo, O Colectivo Feminista de As Pontes ou FEM forte para levar as demandas das mulleres de Verín a todo o país.

Os catro colexios profesionais de enfermería da Galiza posicionanse contra o peche do paritorio: http://www.colegioenfermeriacoruna.org/sites/default/files/Comunicado%20UNIDAD%20PARTOS%20VER%C3%8DN.pdf?fbclid=IwAR1DmCqwoHrGNHNI1fYJqyIitZyCGVYBEe4MJNqvlDseEeLVKV4lXv17yaI

Asi o recollen algúns medios:

👉 Sermos Galiza: https://www.sermosgaliza.gal/…/c…/20191204204924087905.html…

👉 Faro: https://www.farodevigo.es/…/cuarenta-minutos-…/2213055.html…

👉 La Región: https://www.laregion.es/…/galeri…/20191204211231910795.html…

👉 Nós Televisión: https://nostelevision.gal/o-feminismo-galego-berra-en-tod…/…

👉 La Región: https://www.laregion.es/…/ourens…/20191204202718910779.html…

👉 Galicia Confidencial: http://www.galiciaconfidencial.com/…/111266-verin-soa-cento…

👉  Praza Pública: https://praza.gal/…/a-mobilizacion-contra-o-peche-da-sala-d…

👉  Cadena Ser: https://cadenaser.com/emisora/2019/12/04/radio_coruna/1575460003_539992.html?fbclid=IwAR17CGPzb3tFz0LNC4ZPMrAEgpBVM2GX_nijamFLjlpGSPHXqVJJI2oJbe0

👉 GaliciaPress: https://www.galiciapress.es/texto-diario/mostrar/1651036/cientos-personas-claman-galicia-contra-cierre-paritorio-urgencias-pediatricas-verin

Máis información sobre o peche do paritorio e a loita das veciñas

https://praza.gal/acontece/en-verin-xa-non-se-nace-guia-para-non-perderse-no-ultimo-gran-conflito-sanitario

Contra o peche do paritorio de Verín

A loita é entre o capital e a vida. Hoxe máis que nunca a retirada dos recursos públicos atenta contra as nosas vidas e as das nosas crianzas. O rural non se pecha e os dereitos das nais non se recortan. Non imos deter a loita ate pólos a todos fóra! Xunta culpábel e xerencia cómplice. Verín Non Se Pecha! #VerínNonSePecha

Comunicado de Arrolos de Teta: https://www.facebook.com/arrolosdeteta/posts/1337129803161746

En Ourense fixemos con Arrolos de Teta unha campaña de difusión da acción ás portas do CHUO

O Venres 29 pola mañá fíxose a acción diante da porta do CHUO. En loita contra o peche do paritorio de Verín, hoxe na porta do CHUO mañá no Hospital de Verín. Onde sexa necesario para defender os dereitos das mulleres a unha sanidade pública de calidade e un parto respeitado!. #OpartoÉnoso  #VerínNonSePecha  #XubtaCulpábel  #XerenciaResponsábel

Segunda xornada de mobilizacións en protesta do traslado do servizo de partos do Hospital de Verín. A primeira tivo lugar o luns, cando o xerente da Área Sanitaria de Ourense, Félix Rubial, trasladou a decisión ás nais e profesionais do centro. No auditorio no que tivo lugar a súa comparecencia recibiuno a veciñanza reclamando a berros a súa “dimisión”. Na segunda nais, matronas e veciñas concentráronse ante as portas do Complexo Hospitalario de Ourense para demandar a reversión do traslado.

As compañeiras de Verín tiveron ademáis unha forte presencia na manifestación comarcal do sábado 30 no hospital de Verín.

As compañeiras da Marcha de Verín visibilizaron na manifestación a repulsa das mulleres ante o peche do paritorio. #OpartoÉnoso #VerínNonSePecha

Nos medios:

A manifestación

https://www.farodevigo.es/multimedia/fotos/sociedad/2019-11-30-174862-verin-clama-contra-cierre-paritorio.html?fbclid=IwAR1JTidP5sYEBk_NAtl5h4vbTaAOIgmZt0ChGyqa1DrLM8p-wI0YJ7ekqrs

https://www.laregion.es/album/monterrei/manifestacion-cierre-paritorio-verin-imagenes/20191130201227910085.html

https://elpais.com/sociedad/2019/11/30/actualidad/1575147501_733235.html?fbclid=IwAR1w455tYBvpIgqNuMjecizIQDPn8wqHdH_FilpeY8pJvkDgaNtSD18mtIU

Accións en Ourense

https://www.laregion.es/articulo/monterrei/debate-paritorio-verin-sale-calle/20191129230939909954.html?fbclid=IwAR1Qu_wKN6E_g5_JUy_6F3e-t98_1dSipx_Y_hOWUaIc81ugoiB7m2hS9ms

https://www.sermosgaliza.gal/articulo/social/parto-noso-mulleres-peche-do-paridoiro-verin/20191129141842087561.html?fbclid=IwAR1dVYA07L2zVXEKUD5iCBNI0W-3XYc97BFt5TyTaZcIiWBBAh6XZi8mVTQ

Opinan os profesionais

https://www.diariodotamega.es/articulo/verin/jefe-ginecologia-verin-aborta-traslado-orden-chuo-ultimo-bebe-nacido/20191201111726004205.html?fbclid=IwAR0SErZewwYhVArEWYEEzwY_uslAqMLDdaXOX5eaQW6EoZuJqoLnO2WHwwE

https://www.diariodotamega.es/opinion/rogelio-vinan-rey/carta-abierta-rogelio-vinan/20191129114110004186.html?fbclid=IwAR0pvutKCQTJZMqIAk_R6gsVLQ206v5Bl_KT5YudEdMjHk_BxElI6xljZ5A

https://www.diariodotamega.es/articulo/verin/matronas-do-hospital-verin-querian-converter/20191127181312004161.html?fbclid=IwAR3hQK3EBwBkzLO1YvU6cgLRW5p3Yf65zdJcSQPe8EgTqZN8pHVxUZlrJ74

https://www.diariodotamega.es/articulo/verin/derivaron-ourense-cada-4-nacidos-verin-ultimos-4-meses/20191128200156004167.html?fbclid=IwAR0ocCybWD8i209-AUtd3T3lL97odM2zBg2G8rHZZgDjKpONV4mcnmvKJCY

Contra o peche do paritorio de Verín

INDIGNANTE! os recortes na sanidade pública galega que aplica a Xunta do Partido Popular lévaos a pechar o paritorio de Verín. A partir do 1 de decembro as mulleres terán que desprazarse a Ourense se queren parir nun centro sanitario. Señores COA SAÚDE DAS MULLERES NON SE XOGA! #OPartoÉNoso #ViolenciaInstitucional #AsMulleresPaganOsRecortesSanitarios

Se queres colaborar contacta coas compañeiras de Verin: mmmverin@gmail.com

25N: Se é Machista Non é Xustiza

Declaración política da Coordenadora Galega da Marcha Mundial das Mulleres neste 25N

Nos últimos anos constatamos o incremento da toma de conciencia feminista das mulleres e dos avances formais que o feminismo organizado impulsou e conseguiu trasladar ás institucións en materia de violencia machista. Hoxe temos en marcha algunhas políticas públicas que hai 10 anos eran impensábeis, as campañas institucionais cada día avanzan na mellora da caracterización da violencia, algúns medios visibilizan as violencias con discursos non revictimizadores e as rúas énchense de mobilizacións sinalando a opresión das mulleres e a necesidade de transformar a sociedade para pórlles fin.

Mas todos estes avances resultan insuficientes cando profundizamos neles e analizamos a súa aplicación. Moitos, ademais, están reproducindo violencias contra as mulleres que temos a obriga de visibilizar e denunciar para non ficarmos nun feminismo cómodo que mire ao lonxe as grandes transformacións lexislativas ignorando a súa aplicación e a consecuencias que esta ten para a vida das mulleres.

Queremos neste 25N colocar o foco sobre a violencia xudicial que reproduce cada día no noso país violencias contra as mulleres e as crianzas.

As leis de igualdade e contra a violencia machista definen un marco legal de protección ás mulleres que non se esta facendo efectivo na súa aplicación. Campañas e chamados a denunciar a violencia machista con promesas de protección, atención e axuda do aparato institucional ás mulleres móstranse na práctica, e no mellor dos casos, baleiras de contido. No peor, a reprodución das violencias durante os procesos xudiciais remata por facer que as mulleres se cuestionen o feito mesmo da denuncia machista.

Cada día nas comisarías e xulgados da Galiza mulleres que denuncian violencia machista ven violentados os seus dereitos á defensa, á protección das súas fillas ou á protección fronte aos seus agresores. Falta de asesoramento cando se decide denunciar e no momento da denuncia e do atestado policial que as acompañará durante todo o proceso posterior, medidas cautelares que na mesma orden se dita afastamento para os agresores e vistas do agresor ás súas crianzas, réximes de visitas para agresores sexuais das crianzas, informes que culpabilizan, xulgan ou revictimizan ás mulleres, unha xudicatura machista empeñada en que os maltratadores poden ser bos pais para crianzas que a lexislación xa define como vítimas de violencia machista, falta de formación, falta de empatía e implicación dos axentes que interveñen nos procesos xudiciais, falta de xulgados específicos de violencia machista, …

Todo isto sucede cada día no noso país, marcando a vida de mulleres e crianzas para as que a violencia nunca remata coa denuncia senón que pasa do ámbito máis privado ao público, engadindo á violencia machista a institucional.

Non se trata só de que se emitan sentenzas machistas; trátase de todo o proceso xudicial que lonxe de protexer ás mulleres e ás crianzas acaba por sometelas a máis violencias.

A responsabilidade de que isto remate é colectiva, comezando por todas e cada unha unha das persoas que interveñen no proceso: dende quen recibe á agredida cando vai denunciar, pasando por quen realiza os informes ignorando o benestar das mulleres e das crianzas, a quen dicta sentenza ou atende nos puntos de encontro familiar. Cada unha destas intervencións pode xerar unha violencia ou contribuír para acabar con ela.

Para frear esta violencia institucional no marco da xustiza é preciso coñecer e sinalar o que esta pasando, facernos conscientes de que de nada serve todo o traballo que facemos para que a sociedade tome consciencia, identifique e denuncie a violencia machista se o proceso de denuncia vai colocar ás mulleres e ás crianzas en situación de sufrir máis violencia.

Por isto reclamamos ás institucións:

➡️Información pública do proceso de denuncia machista e dos dereitos das mulleres: a estar acompañadas por avogadas no momento da denuncia, á atención psicolóxica e o acompañamento, a solicitar medidas de protección, a coñecer os recursos á súa disposición.

➡️Formación específica de todo o persoal e axentes que atenden a mulleres que sufren violencia machista en todos os níveis da administración pública: policial, xudicial, administrativo e social.

➡️Dotar aos CIMM da Galiza de medios suficientes para a atención e asesoramento de mulleres que sufran violencia e que ese persoal que acredite formación específica en violencia machista.

➡️Esixir que os recursos públicos postos a disposición da atención e o acompañamento das mulleres que sufren violencia machista mediante programas ou finanzamento público traballen de forma coordenada e se informe da disponibilidade dos mesmos a todos os axentes que interveñen. A violencia machista non sabe de horarios de oficina.

➡️Revisión da atención e servizo que se presta nos organismos públicos nos que se emiten informes que afectan aos procesos de denuncia: Incrementar o persoal do IMELGA e supervisar a súa formación en materia de violencia machista para evitar que se empreguen invencións como o Síndrome de Alienación Parental contra as mulleres.

➡️Modificar o decreto dos Puntos de Encontro Familiar para esixir formación específica sobre violencia machista ás traballadoras dos mesmos, garantir a protección das nenas e nenos e establecer un tratamento diferenciado para casos nos que exista sospeita de violencia machista e facelo con xestión pública e non privatizada.

➡️Modificar o decreto dos Puntos de Encontro Familiar para esixir que nos casos de viollencia machista non se empregue pois a finalidade deste recurso é a normalización das relacións familiares.

➡️Solucións económicas reais para as mulleres que denuncian violencia machista que garantan a súa capacidade económica como incrementar o salario da liberdade en cuantía e duración.

➡️Esiximos á Xunta de Galiza instar ao Ministerio de Xustiza e ao goberno do Estado a:

➡️➡️Aplicar a lexislación internacional en materia de violencia machista retirando as visitas das crianzas a homes denunciados por agresións machista ate a existencia dunha sentenza firme.
➡️➡️Retirar as visitas e patrias potestades das crianzas a homes denunciados por agresión sexual ou maltrato infantil ante a existencia de sentenza firme por violencia machista.
Reclamar o fin da imposición da custodia compartida imposta con maltratadores.
➡️➡️Modificar a Lei 1/2004, de 28 de decembro, de Medidas de Protección Integral contra a Violencia de Xénero para establecer medidas de protección das crianzas vítimas de violencia machista fronte ao agresor.
➡️➡️Creación de máis xulgados específicos de violencia machista na Galiza con persoal especializado.

Resistimos para vivir, marchamos para transformar!!

Web da campaña: http:// nonaxustizapatriarcal .feminismo.info

Ante o anuncio do Concello de Ourense de abandonar o programa VioGen

Un goberno irresponsábel que atenta contra os dereitos das mulleres

A Coordenadora Local de Ourense da Marcha Mundial das Mulleres quere denunciar as políticas do goberno bipartito PP+DO en relación ás mulleres e os nosos dereitos.

En primeiro lugar queremos manifestar que as deficiencias nos servizos públicos do Concello de Ourense destinados ás mulleres non son algo novo senón que veñen xa do mandato anterior con goberno en solitario do PP. O problema vese agora porque a institución esta en mans dun Alcalde misóxino e irresponsábel como Gonzálo Jácome esta executando a demolición programada por Jesús Vázquez.

Primeiro sufrimos o intento de demolición da propia Concellería de Igualdade, hoxe baleirada de contido e inexistente na práctica pois vemos como as decisións das políticas de igualdade se toman dende Alcaldia.

E agora anunciase a retirada do Concello de Ourense do programa VioGen para protección de mulleres que sufren violencia machista dende o que se atenden neste momento a 31 mulleres, para ás 24h rectificar amosando a absoluta improvisación nas políticas municipais e unha grave irresponsabilidade coa vida destas mulleres.

A Lei Orgánica 1/2004 de 28 de decembro, de Medidas de Protección Integral contra a Violencia de Género, sinala “”O Goberno, con fin de facer máis efectiva a protección das víctimas, promoverá as actuacións necesarias para que as Policías Locais, no marco da súa colaboración coas Forzas e Corpos de Seguridade do Estado, cooperen en asegurar o cumplimiento das medidas acordadas polos órganos xudiciaies cando estas sexan algunhas das previstas na presente lei”” indicando a imprescindíbel coordenación das administracións públicas na atención e protección das mulleres.

Mas o problema non se resolve só dando marcha atrás ao anuncio que este martes facía o alcalde de Ourense sen atender ao conxunto de problemáticas que hai hoxe no Concello de Ourense en relación ás políticas de igualdade.

Ante esta situación queremos facer as seguintes consideracións:

– É unha obriga da administración local colaborar para a protección das víctimas de violencia machista, tal e como recolle a A Lei Orgánica 1/2004 de 28 de decembro, de Medidas de Protección Integral contra a Violencia de Género.

– Este anuncio é un paso máis no desmantelamento das políticas de igualdade no Concello de Ourense que se iniciaron no pasado mandato.

– Esta demolición dos servizos inclúe deixar morrer programas e servizos aos que se retiran recursos materiais e humanos para o seu correcto funcionamento.

– Temos o CIMM nunha situación de precariedade de recursos e persoal que esta facendo que non se poda atender a todas as mulleres que o solicitan.

– Non existen informes recomendando o abandono do programa VioGen pero si os hai reclamando máis recursos para a atención das mulleres que sufren violencia machista e que son ignorados antes polo goberno do PP e agora polo bipartito PP+DO.

– Unha unidade que chegou a ter 5 policías sufriu recortes chegando a atender un só policía a 52 mulleres provocando isto a imposibilidade de que o servizo poda ser prestado.

– Hoxe en día hai un só axente atendendo a 31 mulleres.

– A imposibilidade de levar adiante as medidas de protección provocan que se derive fóra do Concello de Ourense a atención a estas mulleres.

– De non aumentarse os recursos materiais e humanos destinados á unidade de VioGen seguirá sen existir un servizo de calidade para atender ás mulleres.

– As mulleres, nomeadamente as que sufriron ou sofren violencia machista, son as usuarias máis habituais dos servizos sociais, é imprescindíbel a implicación das concellalías de Educación, Saúde e Servizos Sociais pola importancia da educación para a súa erradicación, a importancia de fomentar hábitos saludables e de autocoidado.

A responsabilidade de pór solución a estes problemas é do goberno da Cidade de Ourense e por iso reclamamos do mesmo:

– Unha rectificación pública do goberno sobre o anuncio de abandono do programa VioGen por parte do Concello de Ourense.

– Dotar á unidade do VioGen de axentes suficientes para revertir o desmantelamento sufrido nestes anos.

– Un aumento do orzamento do CIMM que permita aumentar o personal e os recursos destinados á atención, prevención e acompañamento de mulleres que sufren violencia machista asi como do conxunto de servizos destinados ás mulleres.

– A implicación transversal e coordinada por parte de concellarías como sanidade, educación e benestar social na loita contra a violencia contra as mulleres e as súas crianzas.

Non nos sirven as rectificacións en prensa do mesmo que provocou a alarma social, queremos un posicionamento claro do goberno da cidade en relación á continuidade do programa Viogen e do aumento de recursos destinados a este.

Ademáis no día de hoxe rexistramos varios escritos dirixidos aos grupos políticos que forman a corporación municipal, ao goberno e á Xunta de Galicia e o Ministerio de Presidencia e Igualdade do Estado para que as administracións que deben colaborar na protección da vida das mulleres que sufren violencia machist anon permanezan ao marxe das políticas irresponsábeis do Concello de Ourense.

Anunciamos tamén a mobilización do venres 18 ás 19h na Praza Maior convocada polos colectivos feministas de Ourense (Marcha Mundial das Mulleres, As do 8 e Foro Falando Nós) denunciando a improvisación e o desleixo das políticas de igualdad no Concello de Ourense.

17 de outubro

Un goberno que improvisa e pretende desvincularse aínda máis da protección das mulleres que sufren violencia machista. 🛑

En 48h o Alcalde de Ourense ven decidir abandonar o programa VioGen de protección ás mulleres que sufren violencia machista, non facelo e agora incorporar o único axente da policía local que traballa nel na unidade da policía nacional, mellorando as condicións do axente e das mulleres atendidas pero DESVINCULANDO aínda máis ao Concello de Ourense das súas obrigas de colaborar e destinar recursos para a protección das mulleres. Esta nova proposta significa que o Concello atenderá menos casos e que manterá o desmantelamento continuo ao que se viu sometida a unidade de VioGen en contra do que ten obriga de facer: aumentar os recursos materiais e humanos da unidade para garantir a atención de máis mulleres.

[ Ourense ] O feminismo de Ourense responde ás medidas do goberno PP+DO de desmantelamento da igualdade. Queremos servizos públicos que garantan a atención das mulleres! Sen recursos non hai igualdade!

#feminismoParaVivir #LoitaFeminista #FronteAoDesmantelamento #Ourense

[ Ourense ] O desmantelamento da igualdade en Ourense non é cousa dun día, levamos anos mobilizándonos contra as políticas reaccionarias do PP local ás que se ven de sumar DO a través dun alcalde irresponsábel e cobarde que tras anunciar o abandono municipal do protocolo VioGen fala de recuar culpando á xefa de policía cando o Alcalde é a máxima autoridade municipal. Daremos resposta nas rúas e tamén nos dirixiremos ás administracións para frear a decisión mas non só. Levamos anos de desleixo na participación do Concello no protocolo VioGen, sen efectivos e se recursos para levar adiante as tarefas necesarias das mulleres que poñen as súas vidas nas mans deste servizo.

#NenUnPasoAtrás #OurenseFeminista #ContraODesmantelamentoAcción

Día de Acción Global por un Aborto Legal e Seguro

O 28 de setembro é o Día de Acción Global polo acceso ao aborto legal e seguro. Dende a Coordenadora Galega da Marcha Mundial das Mulleres reivindicamos a necesidade de facer efectivo o dereito conquistado polo movemento feminista no ano 2010 a través da lei de interrupción voluntario do embarazo.

Coa posterior modificación do Partido Popular en 2015 hoxe as mulleres de 16 e 17 anos ven privada a súa capacidade decisión sobre os seus corpos pois deben conseguir un permiso paterno (ou xudicial) para interrumpir un embarazo. Reiteramos que estas mulleres, que poden decidir libremente sobre todos os aspectos das súa vida deben ter dereito a decidir sobre a súa maternidade. A derrogación da modificación da lei de 2010 debe ser inmediata por parte do novo goberno do estado.

Para alén diso a sanidade pública galega, amparada na incompleta lei do 2010, esta a financiar abortos en clínicas privadas debido a casos de obxección de conciencia do persoal sanitario. En casos de interrupcións voluntarios de embarazos de máis de 9 semanas no que a motivación é a saúde psicolóxica da muller a sanidada pública non é quen de garantir a realización da intervención e acaba financiando a mesma en centros privados. Así dende Ourense e Lugo as mulleres teñen que desprazarse fóra da provincia. En casos nos que se superan as 14 semanas os desprazamentos son mesmo fóra da Galiza, coa dificuldade engadida que ten o desprazamento a tantos kilómetros para unha intervención médica. Esiximos que o SERGAS garanta a IVE libre e todos os casos médicos que a lei permite. 

Así o dereito ao aborto seguro e na sanidade pública aínda é hoxe unha conquista pendente no noso país. Cómpre mudar a lexislación para que o personal sanitario non poda negarse a facer unha intervención legal e impedir asi que a IVE se convirta nun negocio máis para as clínicas privadas, financiado co diñeiro de todas, incrementando o gasto que implicaría unha intervención no centro máis próximo ao lugar de residencia da muller. 

Dende a Coordenadora Galega da Marcha Mundial das Mulleres reivindicamos a necesidade de facer efectivo o dereito conquistado polo movemento feminista no ano 2010 a través da lei de interrupción voluntario do embarazo tamén garantindo medios para que exista educación afectivo sexual nas escolas, acceso a anticonceptivos nos centros quérote e recursos e programas sobre reproducción nas institucións locais como os CIMM, co fin de colocar todas as ferramentas ao dispor das mulleres que permitan reducir as IVE, e en todo caso, garantilas na sanidade pública.

 En sororidade feminista. 

Acción de rúa feita polas compañeiras da Coordenadora Local da Coruña.

Facebook
Facebook
YouTube
YouTube
Instagram
Telegram