Construíndo feminismo anticapitalista dende o 2000
Este xoves 11 de novembro, coa colaboración de AGARESCO a Coordenadora Local da Marcha Mundial das Mulleres en Vigo estreará o documentario Garantía de Vida, documentario que fala da loita pola despenalización do aborto na República Dominicana.
O aborto sigue sen ser parte dos dereitos fundamentais para as mulleres a nivel global, coñecer as conquistas dos feminismos do mundo é tamén o noso labor como feministas.
Multicines Norte (Vigo) ás 20h.
A non perder!
O xoves 4 de novembro temos un Vigo a oportunidade de debater dun dos temas que máis controversia causa no movemento feminista mas sobre o que é preciso traballar para construír un mundo libre de violencia.
Achegádevos a participar no coloquio e a escoitar a Silvia Pérez Freire.
+ info sobre a poñente: https://imaginariosyrepresentaciones.com/miembros/silvia-perez/
Co gallo do 17 de outubro, Día Internacional pola erradicación da pobreza, as compañeiras da Coordenadora Local da Marcha Mundial das Mulleres en Vigo organizou unha exposición que estará un mes na Cantina Candela (Martín Códax, 12) de láminas sobre mulleres, pobreza e guerra.
A pobreza extrema afecta a milleiros de persoas no mundo. No ano 2015 uns 736 millóns de persoas vivían e subsistían con menos de 2 € diarios e no ano 2018 o 55% da población mundial non tiña acceso a ningún programa de axuda social. No 2020 ata 100 millóns de persoas caeron na pobreza debido a pandemia.
A maioría das persoas que viven por debaixo do umbral da pobreza atópanse principalmente nas rexións da Asia meridional e a África subsaxariana. As altas taxas de pobreza atopámolaa a míudo en países pequenos, fráxiles e afectados por conflictos armados e os consecuentes desplazamentos por sobrevivir.
Nestas cifras de pobreza, o 60% das persoas que a padecen son mulleres e nenas. A pobreza ten nome de muller. Pese a que colaboramos igual que os homes na creación de riqueza, no reparto desta somos marxinadas. Os nosos traballos son os máis precarios, os menos dignificados e o traballo dos coidados, que asumimos maioritariamente, é invisibizado e súmase en moitos casos nunha dobre xornada.
Colaboramos, pois, dobremente nesa riqueza da que a maioría de nós non nos beneficiamos.
Nun mundo de progreso, caracterizado por niveis desorbitados de recursos financieiros e desenvolvemento económico, con grandes avances e medios tecnolóxicos resulta impensable e insultante que millóns de persoas vivan na extrema pobreza.
Este problema non corresponde exclusivamente a unha falta de ingresos se non que se trata dun fenómeno multidimensional que comprende ademais a falta das capacidades básicas para vivir con dignidade.
Cando a impresión xeralizada é a que a vida das mulleres está mellorando en todo o mundo a realidade e as cifras desminten este tópico.
O capitalismo e o patriarcado precisan da pobreza, precisan da desigualdade, precisan da inxustiza para existir. Son contrarios a unha vida digna. O beneficio social non o miden os cartos. Por todo isto, temos que reformular as reglas económicas e apropiarnos do noso dereito a unha vida digna e reivindicar o espazo neste mundo que nos debe pertencer por igual a todas.
Horario da Cantina Candela: de 19 a 1h (domingos pechados)
Na pasada noite atacaron o mural feminista que fixemos coas Tamborililás na Gran Vía de Vigo.Condeamos a misoxinia, machismo e fascismo deste ataque.
Tinguiremos todos os muros de lilás porque o feminismo non para até que todas sexamos libres!
+ INFO:
O 24 de Abril de 2013 o Rana Plaza caeu matando 1127 persoas. O edificio aloxaba catro fábricas de roupa independentes con cerca de 5000 empregadas.
As fábricas de roupa producían vestiario para marcas como o Grupo Benetton, The Children’s Place, Primark, Monsoon, DressBarn, grupo Inditex e H&M. Máis de metade das vítimas foron mulleres, xunto con varias das súas crianzas.
A responsabilidade social corporativa das cadeas de tendas nunca se cumpriu e as familias agardan até hoxe as indemnizacións debidas.A Marcha Mundial de Mulleres marca, todos os anos, este dia como un dia de loita e solidariedade feminista contra a explotación laboral das mulleres, dos recursos naturais e do capitalismo salvaxe que nos condea.
Este ano o día 26 en Vigo ás 18h facemos unha acción de rúa pola memoria de Rana Plaza.
“As nosas pioneiras” en solidaridade co mural bandalizado de Ciudad Lineal.
O feminismo en Vigo rende homenaxe ás mulleres pioneiras cun mural de 27 metros cadrados na Gran Vía.
A Marcha Mundial das Mulleres xunto coa @BatukadaFeministaTamborililas, ambos colectivos de Vigo, adicaron o domingo máis o luns a traballar nun mural co que homenaxeamos a mulleres que loitaron contra as desigualdades na nosa terra. Durante dous días sobre quince mulleres colaboramos co mural para telo rematado na Avda. Gran Vía 99.
O mural, para o que se conta coa colaboración especial da ilustradora Eva Casais, recolle os rostros de 7 mulleres galegas, unha pequena mostra de todas as que adicaron as súas vidas para acadar unha sociedade igualitaria e libre de machismo.
Díptico sobre as mulleres:
Galería de imaxes:
*Imaxes de compañeiras da Marcha Mundial das Mulleres, Batukada Feminista e de Paula Cermeño da Movida de Vigo.
Este 16 de outubro saímos á rúa coas compas de Os Ninguéns para denunciar o empobrecemento ao que nos someten o capital é o patriarcado é na loita por vidas dignas.
Chegou o outono e con el presentamos o #OutubroDiverso a Baiona
O Outubro Diverso é un espazo de aprendizaxe, de coñecemento e de tecer rede. Xurde do traballo conxunto da Concellería de Igualdade de Baiona, de activistas da Marcha Mundial Mulleres Galiza e da Casa Colorida, no que contamos tamén coa colaboración da Asociación de Amas de Casa de Baiona e a Asociación de Viúvas de Baiona.
Este espazo nace baixo a necesidade de achegar as nosas vilas as realidades LGBTIQA+, e de visualizar e conversar sobre os eixos de traballo e activismos dos diferentes colectivos e persoas que fan parte desta programación. Todas xuntas pretendemos construír un espazo que sexa o primeiro de moitos no Val Miñor, onde sigamos aterrando nas vilas as vivencias e procesos LGBTIQA+ para seguir aprendendo e compartindo, para acompañar as realidades diversas de moitas veciñas de vila e, sobre todo, para seguir xerando dende o comunitario un novo mundo onde entren todos os mundos.
VENRES 9
19.30h
• Presentación Outubro Diverso
• ”Activismos LGBTIQA+ da contorna”. Conversa coa Asociación Nós Mesmas e Avante LGBT+ Vigo.
SÁBADO 10
12:00h
• ”A nena que ensinou a súa familia que o mundo non é branco e negro” conversa con CHRYSALLIS. Asociación Estatal de Familias de Menores Transexuales
• Contacontos infantil para crianzas de 4 a 7 anos “Piratrans carabarco” da editorial La Calle e obradoiro infantil de debuxo en torno a temática do conto facilitado por Nós Mesmas.
DOMINGO 18
12:00h
• ”Diversidade nas artes escénicas”. Conversa con Monica Sueiro e Colectivo 85 de Vigo.
SÁBADO 24
19:30h
• Presentación da exposición fotográfica “Corpos, feminismo e territorios” exposición creada a través dun proceso participativo das mulleres da comisión de sexo afectividade do Centro Social A Galleira de Ourense.
SÁBADO 31
12:00h
• ”Orgullo, non solo hai un” conversa con Petra Porter e Comité Marikas x la fiesta
22:00h
• Espectáculo ”Las VARIETÉS de Petra Porter” proposta escénica de Combinación Imperfecta.
Toda a info no evento: http://bit.ly/OutubroDiversoBaiona
As compañeiras da Coordinadora Local se Vigo realizaon este domingo 27 de setembro un mural colectivo contra a explotación dos corpos das mulleres co galo do 28 de setembro, Día da Acción Global por un Aborto Legal e Seguro e tamén o Día dos Dereitos Sexuais e Reprodutivos.
As mulleres non somos mercadorías! Non á explotación dos nosos corpos!
A Marcha Mundial das Mulleres organizou no Instituto Camões, de Vigo, un encontro con Ana Bringas, profesora da Universidade Vigo, feminista experta en crítica literaria con perspectiva de xénero, baixo o título “Ventres de alugueiro: explotación reprodutiva e mercado de bebés”.
Dende a Marcha consideramos que a alianza entre o patriarcado e o capitalismo é fundamental para soster a aberración que supón esta industria internacional, atravesada por liñas de xénero, clase social, raza e de xeopolitica da precaridade e a pobreza.
MULLERES EN MARCHA ATA QUE TODAS SEXAMOS LIBRES!
Reflexionamos e debatemos xunto á profesora Ana Bringas sobre os ventres de alugueiro e as políticas de apropiación dos corpos das mulleres. Seguimos en marcha! #FeminismoParaVivir #ConstruírDendeABase #AxendaPropia #AutonomíaDosCorpos
